ჩვენმა მეტოქემ, მსოფლიოს თასის გათამაშებაში, ფიჯის ნაკრებმა შემადგენლობა დაასახელა - ნადოლო დააკლდებათ

2019 წლის მსოფლიოს თასის გათამაშებაში საქართველოს ნაკრების მეტოქის, ფიჯის ნაკრების მთავარმა მწვრთნელმა ჯონ მაკკიმ ნოემბრის ტესტებისთვის გაფართოებული შემადგენლობა დაასახელა.

ფიჯელებს ტესტებზე "მონპელიეს" გარემარბი ნემანი ნადოლო დააკლდებათ, რომელმაც ორშაბათს მუხლზე ოპერაცია გაიკეთა და 12 კვირა თამაშს ვერ შეძლებს. შემადგენლობაში არ არის ასევე ლევანი ბოტია.

სამაგიეროდ მწყობრში არიან მრისხანე ფიჯელები, სემი რადრადრა, ჯოსუა ტუისოვა, ვერენიკი გონევა, ლეონე ნაკარავა, ნემანი ნაგუსა და სხვები.
ფიჯის ნაკრები ნოემბრის ტესტებზე სამ შეხვედრას გამართავს, შოტლანდიის, საფრანგეთისა და ურუგვაის ნაკრებების წინააღმდეგ. შეგახსენებთ, რომ ურუგვაელები ასევე ჩვენი გუნდის მეტოქეები არიან მსოფლიოს თასის ჯგუფურ ეტაპზე.

ფიჯი
შერკინება: კამპესე მააფუ, ჯოელი ვეიტაიაკი, ერონი მავი, რატუ ვერე ვაკაგოტო, მესულამე დოლოკოტო, სემ მატავესი, კალივატი ტავაკე, მანასა საულო, როპარე რინაკამა, ლეონე ნაკარავა, ტევიტა კავუბატი, ალბერტ ტუისუე, დომინიკო ვაკანიბუროტუ, პესელინ იატო, მოსეს ვოკა, ვილიამე მატა, ნემანი ნაგუსა;
უკანა ხაზი: ფრანკ ლომანი, ჰენრი სენილოლი, ალივერეტი ვეიტოკანი, ერონი ვასიტერი, ჯალე ვატუბუა, სემი რადრადრა, ერონი საუ, ვერენეკი გონევა, ჯოსუა ტუისოვა, სეტარეკი ტუისუვა, კინი მურიმურივალუ, მეტუისელა ტალებულა.

ყოველდღიური სპორტული გაზეთი "ლელო"
917
მკითხველის კომენტარები / 0 /
რუბრიკის სხვა სიახლეები
;