ჩილავერტი მესის ეთანხმება... 

პარაგვაის ნაკრების ყოფილმა მეკარემ ხოსე ლუის ჩილავერტმა მხარი დაუჭირა არგენტინის ნაკრების ლიდერს ლიონელ მესის, რომელმაც კორუპციაში დაადანაშაულა სამხრეთ ამერიკის ფეხბურთის კონფედერაცია (CONMEBOL).

“ეჭვგარეშეა, ეს კოპა ამერიკა მომზადებული იყო იმისთვის, რომ ბრაზილია ჩემპიონი გამხდარიყო. CONMEBOL კლავს ფეხბურთს. რატომ აპირებენ ისინი მესის დასჯას, თუ ჩვენ ვცხოვრობთ დემოკრატიულ სამყაროში? მოთამაშეები უნდა გაერთიანდნენ და ბოიკოტი გამოუცხადონ ამ ორგანიზაციას”, - მოჰყავს ჩილავერტის სიტყვები FOX Sports-ს.

ლიონელ მესიმ კოპა ამერიკაზე ნახევარფინალში ბრაზილიასთან წაგების შემდეგ, უკმაყოფილება გამოთქვა მსაჯების მუშაობის გამო, მოგვიანებით კი უარი თქვა მესამე ადგილისთვის მატჩის შემდეგ დაჯილდოების ცერემონიაში მონაწილეობაზე. მან თავისი გადაწყვეტილება იმით ახსნა, რომ არ სურდა ყოფილიყო კორუფციის ნაწილი და გამოთქვა აზრი, რომ მთელი ტურნირი მოწყობილი იყო მასპინძელი ბრაზილიის გასამარჯვებლად.

ყოველდღიური სპორტული გაზეთი "ლელო"
869
მკითხველის კომენტარები / 0 /
მსგავსი ამბები
რუბრიკის სხვა სიახლეები
;