ჩილიჩი დევისზე არ იქნება

ხორვატი ჩოგბურთელი მარინ ჩილიჩი ვერ დაეხმარება თავის გუნდს დევისის თასის გათამაშებაში, რომელიც ისტორიაში პირველად ახალი ფორმატით ჩატარდება. აშშ-ის ღია პირველობის ყოფილი ჩემპიონი ვერ მოასწრებს ტრავმის შემდეგ აღდგენას.

„ბოლო წელიწად-ნახევარი ჩემთვის დიდი გამოცდა აღმოჩნდა ფიზიკური და ფსიქოლოგიური მომზადების თვალსაზრისით, - დაწერა თავის „ინსტაგრამზე“ ჩილიჩმა. - მიუხედავად ყველა მიღებული ზომისა, მუხლის პრობლემა არსად გამქრალა. ბოლო გამოკვლევებმა აჩვენეს, რომ ოპერაციის თავიდან აცილება შესაძლებელია, მაგრამ საჭირო იქნება გარკვეული პროცედურების ჩატარება. ამის გამო, მე, ჯერჯერობით, ვერ შევძლებ კორტზე გასვლას“.

დევისის თასის ფინალური ტურნირი 18 ნოემბერს, მადრიდში დაიწყება. ჯგუფში ხორვატიის მეტოქეები არიან - ესპანეთი და რუსეთი.

73
მკითხველის კომენტარები / 0 /
მსგავსი ამბები
რუბრიკის სხვა სიახლეები
;