[ჩოგბურთის NEWS] სერენას 73-ე ტიტული... ავსტრალიის ღია ჩემპიონის გარეშე...

სერენას 73-ე ტიტული

მსოფლიოს ყოფილმა პირველმა ჩოგანმა, ამერიკელმა სერენა უილიამსმა ბოლო სამ წელიწადში პირველი ტიტული მოიგო. „დიდი სლემის“ ტურნირების 23-გზის ჩემპიონმა ახალი ზელანდიის დედაქალაქ ოკლენდში საათსა და 36 წუთში მოუგო ფინალი თანამემამულე ჯესიკა პეგულას, რომელიც 82-ე ნომერია კლასიფიკაციაში. მატჩი ორი სეტი გრძელდებოდა - 6:3, 6:4.

პეგულამ პირველივე სეტის პირველივე გეიმში შეასრულა ბრეიკი, თუმცა შემდეგ მეტოქის ვერც ერთი გეიმი ვერ აიღო. თავის მხრივ, სერენა დომინირებდა მოწინააღმდეგის მოწოდებაზე, მაგრამ ბრეიკ-პოინტების რეალიზაცია არ უვარგოდა - 15 ასეთი შანსიდან მხოლოდ სამი გამოიყენა, თუმცა ესეც საკმარისი აღმოჩნდა მატჩის მოსაგებად.

ოკლენდში ტრიუმფმა უილიამსს კარიერაში 73-ე ტიტული მოუტანა. ამერიკელი რეიტინგში ერთი საფეხურით ზემოთ აიწევს და მსოფლიოს მეცხრე ჩოგანი გახდება.


ტუნბერგი ფედერერის წინააღმდეგ

შვედი გოგონა, ცნობილი ეკოაქტივისტი გრეტა ტუნბერგი შეუერთდა აქციას როჯერ ფედერერის წინააღმდეგ. ამ აქციას ჰქვია - Rogerwakeupnow („როჯერ, გაიღვიძე ახლავე“).

17 წლის ტუნბერგმა სოციალურ ქსელში გააზიარა ფედერერის მიმართ მოწოდება - შეწყვიტოს თანამშრომლობა ბანკ Credit Suisse-თან, რომელიც თანხების ინვესტირებას ახდენს სასარგებლო წიაღისეულის მოპოვებაში, რითაც გარემოს აზიანებს.

ესპანური გაზეთი AS წერს, რომ აქტივისტები უკვე გამოვიდნენ ქუჩაში პლაკატებით - „Credit Suisse ანადგურებს პლანეტას, როჯერ, შენ მათ მხარს უჭერ?“


ანდრეესკუ ავსტრალიას გამოტოვებს

აშშ-ის ღია პირველობის მოქმედმა ჩემპიონმა, კანადელმა ბიანკმა ანდრეესკუმ სოციალური ქსელის მეშვეობით გამოაცხადა, რომ გამოტოვებს 2020 წლის სეზონის „დიდი სლემის“ პირველ ტურნირს - ავსტრალიის ღია პირველობას.

„სამწუხაროდ, ვერ შევძლებ წელს ავსტრალიის ღიაზე გამოსვლას. ეს მძიმე გადაწყვეტილება იყო, რადგან მიყვარს მელბურში თამაში, მაგრამ უნდა დავიცვა მუხლის ტრავმის შემდეგ აღდგენითი პროცესის განრიგი, რომელიც ექიმებმა შეადგინეს. მოუთმენლად ველოდები ავსტრალიაში დაბრუნებას“, - დაწერა თავის „ტვიტერში“ ჩოგბურთელმა.

შეგახსენებთ, რომ მსოფლიოს მეექვსე ჩოგანს მუხლთან დაკავშირებული პრობლემები WTA-ის წლის შემაჯამებელი ტურნირის დროს შეექმნა. მაშინ კანადელმა ჩოგბურთელმა ჯგუფური ეტაპისას მიატოვა ტურნირი.

ავსტრალიის ღია პირველობა 20 იანვარს დაიწყება.


ბრისბენი კაროლინა პლიშკოვასია

ავსტრალიის ქალაქ ბრისბენში WTA International-ის კატეგორიის ტურნირი დასრულდა, რომელშიც შარშან მოპოვებული ტიტული დაიცვა მსოფლიოს მეორე ჩოგანმა, ჩეხმა პეტრა კვიტოვამ.

ფინალში მისი მეტოქე იყო კლასიფიკაციის მე-13 ნომერი, ამერიკელი მედისონ კისი. სამსეტიანი მარათონი ორი საათი და 10 წუთი გაგრძელდა და ჩეხმა 6:4, 4:6, 7:5 მოიგო.

კლიშკოვამ პირველი სეტი ერთადერთი ბრეიკის წყალობით მოიგო. მეორე სეტშიც ის ბრეიკით იყო დაწინაურებული, მაგრამ 2:3-ის შემდეგ, კისმა ორჯერ შეძლო მეტოქის მოწოდების აღება და სეტებში ანგარიში გაათანაბრა.

მესამე სეტში პლიშკოვამ დაიბრუნა ინიციატივა და ისევ ბრეიკით დაწინაურდა, თუმცა 5:4-ზე მატჩზე ვერ ჩააწოდა. 5:5-ზე ჩეხმა მატჩში მეოთხე ბრეიკი შეასრულა და მეორე ჯერზე შეძლო მატჩზე ჩაწოდება.

კლიშკოვასთვის ეს არის კარიერაში მე-16 ტიტული. ბრისბენში კი მან მესამედ გაიმარჯვა და ამ მაჩვენებლით რეკორდსმენი გახდა.

აღსანიშნავია, რომ ნახევარფინალში კაროლინა პლიშკოვამ იაპონელი ნაომი ოსაკას წინააღმდეგ სამსაათიან შეხვედრაში მატჩბოლი მოიგერია.

413
მკითხველის კომენტარები / 1 /
როჟე
0
ბოლობოლო ვინ მოიგო ტურნირი, პლიშკოვამ, კლიშკოვამ თუ კვიტოვამ?:-)))))))
მსგავსი ამბები
რუბრიკის სხვა სიახლეები
;