[ჩოგბურთი] ბასილაშვილმა როტერდამში დაიწყო და...

როტერდამის ATP 500-იანი კატეგორიის ტურნირის პირველ წრეში ქართველი ნიკოლოზ ბასილაშვილის (ATP: 28) მეტოქე მსოფლიო კლასიფიკაციაში მე-15 ჩოგანი რუსი ანდრეი რუბლიოვი იყო. ურთიერთშეხვედრებში უპირატესობა ქართველის მხარეს გახლდათ - აქამდე ჩატარებული სამი შეხვედრიდან ორჯერ გამარჯვებული ბასილაშვილი დარჩა.

რაც შეეხება როტერდამის მატჩს, ბასილაშვილმა თავიდანვე ვერ დაიწყო იგი კარგად, მხოლოდ ორი გეიმის მოგება მოახერხა და პირველი სეტი 2:6 დათმო.

მდგომარეობა დიდად არც მეორე სეტში შეცვლილა, ბასილაშვილი სტარტზევე ბრეიკით ჩამორჩა თავის მეტოქეს და შემდეგ უკვე, არაერთგზის  მცდელობის მიუხედავად, ამ უპირატესობის აღმოფხვრა ვეღარ მოახერხა, საბლოოდ 2:6, 3:6 დამარცხდა და როტერდამის ტურნირს პირველივე წრეში გამოეთიშა.

951
მკითხველის კომენტარები / 0 /
მსგავსი ამბები
რუბრიკის სხვა სიახლეები
;