ჩოგბურთი. ელიტაში, ბასილაშვილის წყალობით

წინა კვირის შედეგების გათვალისწინებით ჩოგბურთელ ქალ-ვაჟთა საერთაშორისო ასოციაციებმა განახლებული რეიტინგები გამოაქვეყნეს. ქართველთაგან ნიკოლოზ ბასილაშვილი 1895 ქულით ისევ მე-17 ადგილზეა.

ქალთა მაჩვენებლები კი ასეთია:

ერთეულები. 156 (156). მარიამ ბოლქვაძე (398), 241 (234). ეკატერინე გორგოძე (247), 432 (433). სოფიო შაფათავა (93), 826 (821). მარიამ დალაქიშვილი (21), 956 (962). სალომე დევიძე (13), 1132 (1130). ოქსანა კალაშნიკოვა (6), 1197 (1199). ზოზია ქარდავა (4), 1227 (1229). ანა მაქაცარია (4).

წყვილები. 58 (59). ოქსანა კალაშნიკოვა (1395), 161 (166). სოფიო შაფათავა (488), 273 (249). ეკატერინე გორგოძე (278), 375 (371). მარიამ ბოლქვაძე (183), 1238 (1239). მარიამ დალაქიშვილი (9).

მიმდინარე კვირას რამდენიმე ქართველი ჩოგბურთელი უცხოურ კორტებზე გამოცდის ძალებს. საფრანგეთის 60.000-იან ტურნირში ითამაშებს ეკატერინე გორგოძე. ერთეულების სტარტზე იგი კრისტინა ბუკსასთან (ესპანეთი) გაარკვევს ურთიერთობას. წყვილებში ბელგიელ მარინა ზანევსკასთან ერთად ლუსია კორტეს ლორკასა და როზა ვისენს მასის (ორივე - ესპანეთი) შეხვდება.

მარიამ დალაქიშვილი პოდგორიცაში (მონტენეგრო) იმყოფება. ერთეულებში იგი 25.000-იანი ტურნირის კვალიფიკაციაში ჩაება. სტარტზე მასპინძელ ტეა  ნიკსევიჩს მოუგო მშრალი ანგარიშით - 6:0, 6:0. შემდეგ ფინელი ანასტასია კულიკოვა დაამარცხა - 7:6, 4:6, 12:10 და მთავარ ბადეში თამაშის უფლება მოიპოვა. პირველ წრეში ჩეხ ანასტასია დეტიუჩს დაუპირისპირდება. წყვილებში დოროთეა იოკშოვიჩთან (სერბეთი) შეამხანაგებული მონტენეგროელებს - ანდრეა სეტკოვიჩსა და ტეა ნიკსევიჩს გაუწევს მეტოქეობას. 

კაიროს 15.000-იან ტურნირში ზოზია ქარდავა გლორია სეშის (იტალია) შეხვდება, წყვილებში ქარდავა და მინამი აკიიამა (იაპონია) იტალიელების - ლაურა მაირისა და ეკატერინა ოდორიზის დამარცხებას შეეცდებიან. 

ATP Cup - ასე ეწოდება ახალ საჩოგბურთო ტურნირს (22 მილიონი ამერიკული დოლარის ფონდით), რომელიც 2020 წლის იანვარში ავსტრალიის სამ ქალაქში - ბრისბენში, პერთსა და სიდნეიში გაიმართება. გუშინ შეჯიბრების წილისყრა გაიმართა.

საქართველო (ითამაშებენ ნიკოლოზ ბასილაშვილი და ალექსანდრე მეტრეველი) მოხვდა B ჯგუფში, სადაც ესპანეთსა (რაფაელ ნადალი, რობერტო ბაუტისტა-აგუტი) და იაპონიას (კეი ნიშიკორი, იოშიჰიტა ნიშიოკა) გაუწევს მეტოქეობას.

ამ ჯგუფის მე-4 მეტოქის ვინაობა, როგორც ზოგიერთ სხვა ჯგუფში, მოგვიანებით გახდება ცნობილი. B და D ჯგუფების (რუსეთი, იტალია, აშშ, ?) წარმომადგენლები ჰერთში ითამაშებენ, A (სერბეთი, საფრანგეთი, სამხრეთი აფრიკა, ?) და F (გერმანია, საბერძნეთი, კანადა, ავსტრალია) ჯგუფები - ბრისბენში, ხოლო C ( შვეიცარია, ბელგია, დიდი ბრიტანეთი, ?) და E (ავსტრია, ხორვატია, არგენტინა, ?) ჯგუფების წევრები სიდნეიში მოსინჯავენ ძალებს.

ჯგუფში ორი ინდივიდუალური და ერთი წყვილთა პაექრობა გაიმართება. მომდევნო ეტაპზე გამარჯვებულები და ორი საუკეთესო მეორეადგილოსანი გავლენ. ფინალი სიდნეიშია დაგეგმილი. 

ყოველდღიური სპორტული გაზეთი "ლელო"
640
მკითხველის კომენტარები / 0 /
მსგავსი ამბები
რუბრიკის სხვა სიახლეები
;