[ჩოგბურთი] ოფიციალურად: როლან გაროსი შემოდგომაზე

 „დიდი სლემის“ რიგით მეორე ჩემპიონატის - როლან გაროსის ორგანიზატორებმა ტურნირი შემოდგომისთვის გადაიტანეს. როგორც საფრანგეთის ღია პირველობის პრესსამსახური იტყობინება, როლან გაროსი პარიზში 20 სექტემბრიდან 4 ოქტომბრამდე გაიმართება.

ამასთან, „დიდი სლემის“ კიდევ ერთი ტურნირის - აშშ-ის ღია პირველობის ჩატარების ვადებია - 24 აგვისტო-13 სექტემბერი. ასე რომ, ორ უმსხვილეს ტურნირს შორის ინტერვალი ერთი კვირა იქნება. აშშ-ის ღიას ორგანიზატორებს ჯერ არ გამოუცხადებიათ ჩატარების ვადების შეცვლის შესახებ.

2020 წელს, როლან გაროსი 24 მაისიდან 7 ივნისამდე უნდა გამართულიყო. ტურნირის მოქმედი ჩემპიონები არიან - ესპანელი რაფაელ ნადალი და ავსტრალიელი ეშლი ბარტი.

167
მკითხველის კომენტარები / 0 /
მსგავსი ამბები
რუბრიკის სხვა სიახლეები
;