ჩხუბი, შემოხეული მაისური - "გოლდენ სტეიტმა" "ვაშინგტონს" მაინც მოუგო [VIDEO]

ზაზა ფაჩულიას "გოლდენ სტეიტმა" 28 ოქტომბერს "ვაშინგტონ უიზარდსს" უმასპინძლა და დაძაბულ ბრძოლაში 120:117 სძლია.

თამაშებისას ხშირად ვიყენებთ სიტყვა "ბრძოლას", ამ შემთხვევაში მხოლოდ საკალათბურთო არა, ხელჩართული ბრძოლა იყო, რის შემდეგად დრეიმონდ გრინი და ბრედლი ბილი გააძევეს.

რაც შეეხება ზაზა ფაჩულიას, მან 13 წუთში 7-დან 2 ორქულიანი ჩააგდო და 4 ქულასთან ერთად 9 მოხსნა და 1 პასი მოინაგრა. სამმაგ დუბლს მიუახლოვდა კევინ დურანტი: 31 ქულა, 11 მოხსნა, 6 პასი. სტეფ კარიმ 20 ქულა ჩააგდო და 8 პასი შეასრულა.

"ვაშინგტონის" ლიდერ ჯონ უოლსაც 20 ქულა ჰქონდა, თუმცა პასებით კარის აჯობა - 14 შედეგიანი გადაცემა.

"უორიორსი" მომდევნო მატჩს 30 ოქტომბერს, შინ "დეტროიტთან" გამართავს.

892
მკითხველის კომენტარები / 0 /
მსგავსი ამბები
რუბრიკის სხვა სიახლეები