ცვლილება ბორჯღალოსნების რიგებში - სოსო მათიაშვილი დაშავდა

საქართველოს ნაკრები რაგბის ევროპის ჩემპიონატის პირველ მატჩს 9 თებერვალს კლუჟში, რუმინეთის ნაკრების წინააღმდეგ გამართავს. „ბორჯღალოსნები“ „შევარდენის სანაკრებო ბაზაზე“ შეიკრინენ და სამდღიან წვრთნებს გამართავენ.

ბორჯღალოსნების საწვრთნელ რაზმში ერთი ცვლილებაა - ფულბეკი სოსო მათიაშვილი დაშავდა და გუნდს რუმინეთთან და ესპანეთთან ვერ დაეხმარება. მის ნაცვლად მწვრთნელებმა გამოცდილ ალექსანდრე თოდუას უხმეს, რომელსაც 11 თებერვალს 32 წელი შეუსრულდება. მას სანაკრებო დებიუტი 2008 წელს ჰქონდა, დღემდე 75 კეპი მოიხვეჭა და 11 ლელო გაიტანა.

მათიაშვილის გარდა, ტრავმების გამო „ბორჯღალოსნებს“ რაგბი ევროპის ჩემპიონატის მინიმუმ პირველ ორ მატჩში ანტონ ფეიქრიშვილი, ბადრი ალხაზაშვილი, კახა ასიეშვილი, ვიტო კოლელიშვილი, დავით კაჭარავა, თამაზ მჭედლიძე, სანდრო სვანიძე, კოტე მიქაუტაძე, ლაშა ტაბიძე და გურამ შენგელია ვერ დაეხმარებიან.
დღეს „ბორჯღალოსნები“ ერთმანეთში საკონტროლო თამაშს გამართავენ. შეხვედრა 11 საათზე დაიწყება და მასზე დასწრება გულშემატკივრისთვის თავისუფალი იქნება.

9 თებერვალს, რუმინეთთან მატჩი კლუჟში, თბილისის დროით 16 საათზე დაიწყება.

ყოველდღიური სპორტული გაზეთი "ლელო"
968
მკითხველის კომენტარები / 0 /
მსგავსი ამბები
რუბრიკის სხვა სიახლეები
;