ცვლილებები სამტრედიაში. კიდევ ორი ფეხბურთელი ეროვნული ლიგიდან!..

"სამტრედია" სეზონისთვის მზადებას თბილისში აგრძელებს. ცხადია, შემადგენლობისადმი მოთხოვნა, ეროვნულ ლიგა 2-თან შედარებით, ელიტაში გაცილებით დიდია და, შესაბამისად, კლუბის ხელმძღვანელობა ახლა ძირითადად საკადრო საკითხების მოგვარებითაა დაკავებული.

ეროვნულ ლიგაში დაბრუნებულმა გუნდმა ორი მოთამაშე მთავარი ლიგიდან გავარდნილი "რუსთავიდან" დაიმატა. პირველი მათგანი ლაშა ქოჩლაძეა - 24 წლის ნახევარმცველი, რომელსაც "ცხინვალსა" და თბილისის "დინამოში" უთამაშია, "რუსთავში" კი 2019 წელს გამოდიოდა.

"სამტრედიას" მეორე ახალწვეული ლუკა იმნაძეა. 22 წლის თავდამსხმელი თამაშობდა ლანჩხუთის "გურიაში", "საბურთალოში", ფოთის "კოლხეთში", ხოლო გასულ სეზონში "რუსთავში" გამოდიოდა და 2 გოლი გაიტანა.

შეგახსენებთ, რომ აქამდე "სამტრედიამ" გიორგი ილურიძე დაიმატა, რომელიც ბოლოს ბათუმის "დინამოში" ირიცხებოდა, მანამდე კი "ეთნიკოსის", "სკა-ენერგიას", გორის "დილას", "ანჟის", "ზესტაფონის", "ერმისისა" და "ჰაიდუკის" ღირსებას იცავდა.

რაც შეეხებათ გუნდიდან წასულებს, კლუბის ოფიციალური გვერდის ცნობით, კონტრაქტები დაუმთავრდათ და "სამტრედია" დატოვეს გურამ სამუშიამ, ავთო ენდელაძემ, გიორგი ივანიაძემ, გიორგი ცერცვაძემ, ვაჟა ქიქავამ, დავით რაჟამაშვილმა და დენის დობროვოლსკიმ. რაც შეეხება ზაურ ხაბეიშვილს, ის იჯარის წესით "ზუგდიდში" ითამაშებს.

1212
მკითხველის კომენტარები / 0 /
მსგავსი ამბები
რუბრიკის სხვა სიახლეები
;