ცნობილი ხდება მილანის ახალი მწვრთნელის ვინაობა...

"სამპდორიამ" დაადასტურა, რომ მარკო ჯამპაოლო მთავარი მწვრთნელის პოსტიდან გათავისუფლებულია, ეს კი იმას ნიშნავს, რომ 51 წლის სპეციალისტი მზადაა, უფრო დიდ გამოწვევას შეეჭიდოს - სათავეში ჩაუდგეს "მილანს".

ახალ გამოწვევაზე მეტად ეს არის თავი პირდაპირ ყულფში. "როსონერის" სამწვრთნელო სკამი, ისევე, როგორც ყველა გრანდში, ყოველთვის იყო განსაკუთრებული ვნებათაღელვის საგანი...

ჯამპაოლო "მილანთან" 2-წლიან კონტრაქტს გააფორმებს. აქამდე მან 3 სეზონი გაატარა "სამპდორიაში", რომელიც კონკურენტუნარიან გუნდად აქცია. "კალიარის", "კატანიას", "ბრეშასა" და "ემპოლის" ყოფილმა დამრიგებელმა "სამპას" 123 მატჩში უხელმძღვანელა, საიდანაც 49 მოიგო, 26 ფრედ დაასრულა და 48 წააგო.

"მილანში" მისი მიწვევის ინიციატივა "როსონერის" ახალ ხელმძღვანელობას, კერძოდ სპორტულ დირექტორ პაოლო მალდინის ეკუთვნის. "მილანის" ლეგენდა, ზვონიმირ ბობანთან ერთად, ეს-ესაა ოფიციალურად შეუდგა მუშაობას და მისი პირველი, საპასუხისმგებლო გადაწყვეტილება სწორედ ჯამპაოლოს უკავშირდება. ვნახოთ, როგორ გაამართლებს... 

994
მკითხველის კომენტარები / 0 /
მსგავსი ამბები
რუბრიკის სხვა სიახლეები
;