ცსკა-ს პრეზიდენტმა შენგელიას ნაკრებში გამოშვების დეტალებზე ილაპარაკა

თორნიკე შენგელია ახალ კლუბ ცსკა-ში პირველ მატჩს 23 აგვისტოს ყაზახეთში გამართავს. ეს იქნება ვითიბი ლიგის პირველი მატჩი. ამასობაში გუნდის პრეზიდენტმა ანდრეი ვატუტინმა "სპორტ-ექსპრეთან" ინტერვიუში ვრცლად ილაპარაკა თოკოს კონტრაქტზე.

"მზად ვართ სანაკრებო თამაშების დროს თოკო საქართველოში გავუშვათ, თუმცა ერთი პირობით, ნაკრების შეხვედრა ევროლიგაზე ცსკა-ს მატჩის თარიღს (იმავე დღეს არ უნდა იყოს) არ უნდა დაემთხვეს. დანარჩენი კი კალათბურთელზეა, როგორც სურს, ამ უფლებას ისე გამოიყენებს. დარწმუნებული ვარ, გამოსავალს ყოველთვის ვიპოვით.

წელს ნაკრებში წასვლა სპორტული კუთხით მისთვის არც ისე მნიშვნელოვანი იქნება, რადგან საქართველო ევრობასკეტის მასპინძელია და ფინალურ შეჯიბრზე მონაწილეობის მიღება გარანტირებული აქვს. გაცილებით მნიშვნელოვანი იქნება 2021-22 წლების სეზონი, როცა მსოფლიო თასის საკვალიფიკაციო ეტაპი დაიწყება.

თავად ისეთი საკითხია, უნდა აღვნიშნო, რომ კონტრაქტის გაფორმებისას არც ერთ მოთამაშეს არ წამოუყენებია ეს პირობა, როგორც მისთვის აუცილებელი მოთხოვნა. შენგელიას შემთხვევაში ამ თემას პირველად შევეჯახეთ და ეს თოკოს პატრიოტიზმის კიდევ ერთი ნათელი სამხილია.

ნაკრებში აქამდეც გაგვიშვია მოთაამშეები, თუმცა თანამედროვე კალენდარის მიხედვით, კალათბურთელებისთვის ორ ფრონტზე თამაში ფიზიკურად ძალიან ძნელია. თამაშამდე ერთი დღით ადრე ერთი ქვეყნიდან მეორე უნდა წახვიდე, მოემზადო, ითამაშო, ყველა ამ ნაბიჯს არ გადადგმას. ასე რომ, მიმაჩნია, თოკოს შემთხვევა შესაძლოა, სერიოზული პრეცენდენტი გახდეს, რომელიც ამ სისტემას დაანგრევს.

თორნიკეს კონტრაქტში არის ასევე მუხლი, რომელიც მას ნაციონალურ საკალათბურთო ასოციაციაში გადასვლის უფლებას უტოვებს. თუმცა მას ამ მიმართულებითაც სწორი პოზიცია გააჩნია - სურს ისეთ გუნდში თამაში, სადაც ბოლომდე დააფასებენ."

1151
მკითხველის კომენტარები / 0 /
მსგავსი ამბები
რუბრიკის სხვა სიახლეები
;