ცხელი ტრანსფერი: ცქიტიშვილის 22-ე გუნდი "ბეირუთია"

საქართველოს ნაკრებისა და NBA-ს ყოფილი მოთამაშე ნიკოლოზ ცქიტიშვილი კარიერას ლიბანში განაგრძობს. იგი "ბეირუთში" ჩაირიცხა, რომელიც მაღალ მიზნებს ისახავს, ლიბანის ჩემპიონატი კარგად დაიწყო, თუმცა ბოლო ტურებში წაგება წაგებას მიჰყვა და სადღეისოდ 4-4 მოგება-წაგება აქვს. 

ნიკა ცქიტიშვილი         



დაიბადა: 14.04.1983
სიმაღლე: 2.13 სმ
წონა: 111 კგ
პოზიცია: ფორვარდი

კარიერა
1997-99 სოხუმი (საქართველო)
1999-2001 სლოვანი (სლოვენია)
2002 ბენეტონი (იტალია)
2002-05 დენვერ ნაგეტსი (აშშ)
2005 გოლდენ სტეიტი (აშშ)
2005-06 მინესოტა (აშშ)
2006 ფინიქს სანსი (აშშ)
2007 სევილია (ესპანეთი)
2007-08 ტერამო (იტალია)
2008-09 ფუენლაბრადა (ესპანეთი)
2009 პანიონიოსი (საბერძნეთი)
2009-10 ფუენლაბრადა (ესპანეთი)
2010-11 ლაგუნ არო (ესპანეთი)
2011-12 მაჰრამი (ირანი)
2012 მაჰანი (ირანი)
2012-13 შამპვილი (ლიბანი)
2013-14 შარჯა (საემიროები)
2014-15 შამპვილი (ლიბანი)
2015 ტოჩიგი ბრექსი (იაპონია)
2015-16 შამპვილი (ლიბანი)
2016 ჩემიდორი (ირანი)
2016-17 ალ მანამა (ბაჰრეინი)
2017 დინამო (საქართველო)
2017-18 ბიბლოსი (ლიბანი)
2019-დან ბეირუთი (ლიბანი)

 გაცილებით წარმატებით გამოდის "ბეირუთი" არაბული გუნდების ჩემპიონატში, რომელშიც ოთხი მატჩიდან ოთხივე მოგებული აქვს.

რაც შეეხება ცქიტიშვილს, მისი ბოლო კლუბი ასევე ლიბანური "ბიბლოსი" იყო, თუმცა გასული სეზონი გუნდს წარუმატებელი გამოუვიდა, სკიტა კი ტრადიციულად შედეგიანი გახლდათ.

2018-19 წლების სეზონის სტარტზე ნიკა ინდივიდუალურად ემზადებოდა, დაიწერა თითქოს "ა" ლიგაში, ყოფილ კლუბ "სოხუმს" უნდა დახმარებოდა, მაგრამ, როგორც უკვე მოგახსენეთ, კვლავ ლიბანში დაბრუნდა.

ინტერაქტიული ფოტო: დედამიწის გარშემო ნიკა ცქიტიშვილთან ერთად

ჩვენთან ინტერვიუში მას არაერთხელ აღუნიშნავს, რომ ლიბანში თავს კარგად გრძნობს. აი, რა დაწერა თავის "ფეისბუქზე" "ბეირუთთან" კონტრაქტის გაფორმების შემდეგ:

"მოხარული ვარ, რომ "ბეირუთს" შევუერთდი. ახალი გუნდი, ახალი თავგადასავალი, ახალი მიზანი! ჩემი მხრიდან მაქსიმუმს გავაკეთებ, რომ გუნდს მიზნების მიღწევაში დავეხმარო.

მიხარია, რომ კვლავ მიწევს ლიბანში დაბრუნება. ბეირუთი ხომ ჩემი მეორე სახლია. იქაურობა ყოველთვის თბილად მახსენდება".

1476
მკითხველის კომენტარები / 0 /
მსგავსი ამბები
რუბრიკის სხვა სიახლეები
;