ძალოსნობა. რევაზ დავითაძის ევროპული ოქრო და ორი ვერცხლი ევროპის ჩემპიონატზე

ბათუმში გრძელდება ძალოსანთა ევროპის ჩემპიონატი. დღეს მედლები ვაჟებს შორის 89 კგ წონით კატეგორიაში გათამაშდა.

ევროპის შარშანდელმა ჩემპიონმა, 20 წლის რევაზ დავითაძემ ატაცში 170 კგ დაიმორჩილა და ოქროს მედალი მოიპოვა, თან 23-წლამდელთა ევროპის რეკორდი 2 კილოგრამით გააუმჯობესა.

გამარჯვებულს 4 კგ-ით ჩამორჩა მაქსიმ მუდრეუშკი (ბელარუსი), რომელსაც ვერცხლის მედალი ერგო. 165 კგ-ით მესამე იყო დავით ჰოვანისიანი (სომხეთი).

აკვრაში დავითაძეს მეორე ცდა გაუცუდდა და საბოლოოდ 200 კგ-მმა ვერცხლის მედალი მოუტანა. 207 კილოგრამით ჩემპიონი გახდა ჰაკობ მკრტჩიანი (სომხეთი). მესამე ადგილი (195 კგ) ჰოვანისიანმა დაიკავა.

89 კგ - 1. ჰაკობ მკრტჩიანი (სომხეთი) - 371 (164+207); 2. რევაზ დავითაძე (საქართველო) - 370 (170+200); 3. დავით ჰოვანისიანი (სომხეთი) - 360 (165+195).

ყოველდღიური სპორტული გაზეთი "ლელო"
959
მკითხველის კომენტარები / 0 /
მსგავსი ამბები
რუბრიკის სხვა სიახლეები
;