ძალოსნობა. დღეს, ბათუმში ევროპის ჩემპიონატს სალომე ზურაბიშვილი გახსნის... ველით ოქროებს!

41 ქვეყნის 400-მდე ათლეტი ეწვია აჭარის დედაქალაქს, სადაც 6-13 აპრილს ძალოსანთა ევროპის 50-ე საიუბილეო ჩემპიონატი გაიმართება. შეჯიბრება საზეიმოდ ხვალ გაიხსნება და მასში საქართველოს პრეზიდენტ სალომე ზურანიშვილთან ერთად ქვეყნისა და აჭარის მთავრობის მაღალჩინოსნებიც მიიღებენ მონაწილეობას. პაექრობები ჩატარდება ბათუმის სპორტის ახალ სასახლეში, რომელმაც შარშან მსოფლიოს საჭადრაკო ოლიმპიადას უმასპინძლა.

ორიოდე დღის წინათ საშეჯიბრო სარბიელი ევროპის ძალოსნობის ფედერაციის გენერალურმა მდივანმა ჰასან აკუშმა დაათვალიერა. ნანახით აღფრთოვანებულმა ევროპის ფედერაციის გვერდზე ასეთი კომენტარი გააკეთა: სარბიელი მსოფლიოს საუკეთესო ძალოსანმა ლაშა ტალახაძემ გახსნა.

სავარჯიშო დარბაზს 40 ფიცარნაგი აქვს, გასახურებელი სივრცე კი ინოვაციებით არის აღჭურვილი. გაოცებული დარჩებით.

პირველი კომენტარები ფრანგმა, პოლონელმა და უკრაინელმა ათლეტებმა გააკეთეს - მსგავსი რამ ჯერ არცერთ შეჯიბრებაზე არ გვინახავსო. "დიდი ხანია, ევროპის ჩემპიონატისთვის ვემზადებით. საუკეთესო ფორმაში ვართ და ამ შესანიშნავ სასახლეში ქომაგების გასახარებლად არაფერს დავიშურებთ", - აღნიშნა რიოს თამნაშების გამარჯვებულმა, მსოფლიოს და ევროპის სამ-სამგზის ჩემპიონმა ლაშა ტალახაძემ.

ჩემპიონატის დაწყებამდე ერთი დღით ადრე ბათუმში ევროპის ძალოსნობის ფედერაციის (EWF) კონგრესი გაიმართა დღის წესრიგის 14 საკითხით. საქართველოს ძალოსნობის ფედერაციის პრეზიდენტმა კახი კახიაშვილმა დელეგატებს "ბათუმი 2019-ის" მიერ გაწეული სამუშაოები გააცნო და ევროპის ფედერაციის მესვეურებს ნდობისთვის მადლობა გადაუხადა.

ჩემპიონატისთვის მზადებით კმაყოფილია EWF-ის პრეზიდენტი ანტონიო ურსო. "დარწმუნებული ვარ წინ საინტერესო დღეები გველის. მადლობა საქართველოს", - განაცხადა მან.

6 აპრილს ჩემპიონატზე მედლების სამი კომპლექტი გათამაშდება - ბათუმურ ფიცარნაგზე ქალთა 45 და 49, ვაჟთა 55 კილოგრამი წონითი კატეგორიის სპორტსმენები გავლენ. ქართველთა (10 ვაჟი და 3 ქალი) შეჯიბრებაში მონაწილეობის განრიგი ასეთია:

6 აპრილი. 10:00 სთ. 49 კგ. ხათუნა ჯიმშელეიშვილი, B ჯგუფი,
7 აპრილი. 20:23 სთ. 61 კგ. რამინ შამილიშვილი და შოთა მიშველიძე, A ჯგუფი,
8 აპრილი. 20:23 სთ. 67 კგ. გოგა ჩხეიძე, A ჯგუფი,
9 აპრილი. 11:00 სთ. 64 კგ. მაკა ვეფხვაძე, ჩ ჯგუფი;
15:30 სთ. 73 კგ. არჩილ მალაყმაძე, B ჯგუფი,
10 აპრილი. 12.45 სთ. 81 კგ. ლომია თებიძე, ჩ ჯგუფი,
11 აპრილი. 15.00 სთ. 76 კგ. ნათია გადელია, B ჯგუფი;
17:53 სთ. 89 კგ. რეზი დავითაძე, A ჯგუფი,
12 აპრილი. 20:23 სთ. 96 კგ. ანტონ პლესნოი, A ჯგუფი,
13 აპრილი. 08.53 სთ. 102 კგ. ირაკლი ჩხეიძე, A ჯგუფი,
17:23 სთ. +109 კგ. ირაკლი თურმანიძე და ლაშა ტალახაძე, A ჯგუფი.

1520
მკითხველის კომენტარები / 0 /
მსგავსი ამბები
რუბრიკის სხვა სიახლეები
;