ძალოსნობა. მიშველიძემ ევროპაზე ოქრო აკრა

ბათუმში ორი დღეა გრძელდება ძალოსანთა ევროპის ჩემპიონატი, რომლეშიც 41 ქვეყნის 400-მდე ათლეტი მონაწილეობს. გუშინ ვაჟთა შორის 61 კილოგრამი წონითი კატეგორიის სპორტსმენები გავიდნენ ფიცარნაგზე. საქართველოდან ძალებს ცდიდა ორი სპორტსმენი.

შოთა მიშველიძემ 156 კილოგრამი აკრა და ამ მოძრაობაში ოქროს მედალი დაიმსახურა. ორჭიდში (125 კგ აიტაცა) კი 281 კილოგრამით მე-4 ადგილზე გავიდა და ბრინჯაოს მედალოსან თურქ ფერდი ჰარდალის კილოგრამით ჩამორჩა. არადა, მიშველიძის ექვსიდან მხოლოდ სამი ცდა იყო შედეგიანი. რამინ შამილიშვილმა 276 კილოგრამით (124+152) მე-5 ადგილი დაიკავა.

61 კგ
1.ნენაძ ლაპცეუ (ბელარუსი) – 286 (133+153)
2.ბანიამი სეზერი (თურქეთი) – 283 (132+151)
3.ფერდი ჰარდალი (თურქეთი) – 281 (125+155)
4.შოთა მიშველიძე (საქართველო) – 281 (125+156)
5.რამინ შამილიშვილი (საქართველო) – 276 (124+152)
8 აპრილს მედლები 67 კილოგრამ წონით კატეგორიაში გათამაშდება, საქართველოს სპორტის ღირსებას გოგა ჩხეიძე დაიცავს.

ყოველდღიური სპორტული გაზეთი "ლელო"
1412
მკითხველის კომენტარები / 0 /
მსგავსი ამბები
რუბრიკის სხვა სიახლეები
;