[ძალოსნობა] მიშველიძის სამი ოქრო

ბელარუსში  ტოკიოს 2020 წლის ოლიმპიური თამაშების სალიცენზიო ტურნირზე შესანიშნავად იასპარეზა ქართველმა ძალოსანმა შოთა მიშველიძემ, რომელმაც მკერდი სამი ოქროს მედლით დაიმშვენა. საქართველოს ძალოსანთა ნაკრების წევრმა 123 კილოგრამი აიტაცა, მერე 143 კილო აკრა და ორჭიდში 266 კილოს მოუყარა თავი, რითაც სამივე დისციპლინაში სხვებისთვის მიუწვდომელი არმოჩნდა. მიშველიძემ ამ დამაჯერებელი გამარჯვებით საკუთარ აქტივს მნიშვნელოვანი ოლიმპიური სალიცენზიო ქულებიც შემატა.

ბელარუსში იმყოფებოდა ოლიმპიური ჩემპიონი. მსოფლიოს და ევროპის ჩემპიონატების ოთხ-ოთხგზის გამარჯვებული ლაშა ტალახაძე, მაგრამ მაჯის ტრავმის გამო შეჯიბრებაზე არ გამოსულა.

n   n  n

ერთ თვეში ისრაელი 15 და 17-წლამდელ ძალოსანთა ევროპის ჩემპიონატს უმასპინძლებს. ამ შეჯიბრებისთვის მონდომებით ემზადებიან ქართველი ათლეტებიც. ნაკრების ძირითად ბირთვს შეარჩევს 15-წლამდელთა საქართველოს ჩემპიონატი, რომელსაც საჩხერე მასპინძლობს. მედლებისთვის 15 გუნდის 135 წარმომადგენელი იბრძვის. გუშინ უკვე პირველი პრიზიორები გამოვლინდნენ.

აღსანიშნავია, რომ გურჯაანის რაიონის სოფელ შაშიანში ძალოსნობის დარბაზი 10 თვის წინ გაიხსნა. ამ მცირე დროის განმავლობაში აქ მომზადებულმა ძალოსანმა რევაზ მილდიანმა საქართველოს ამ პირველობაზე გურჯაანს პირველი ისტორიული მედალი მოუტანა.

37 კგ. 1. გიორგი მგალობლიშვილი (თბილისი) - 98 (43+55), 2. დიმიტრი აბრალავა (ზუგდიდი) - 86 (37+49), 3. ლევან ივარდავა (ზუგდიდი) - 85 (40+45);

41 კგ. 1. შოთა იობიძე (წყალტუბო) - 105 (46+59), გოგა ხარაზიშვილი (ხაშური) - 105 (46+59), 3. გურჯაანის გუნდის წევრს ერგო. რევაზ მილდიანი (გურჯაანი) - 103 (48+55);  დაძლია.

45 კგ. 1. გოგა ჯაჯვანი (ზუგდიდი) - 133 (60+73), 2. გიგა ოდიკაძე (ხაშური) - 129 (59+70),  3. ბექა შანთაძე (აჭარა) - 110 (50+60);

საჩხერეში ასპარეზობა დაასრულეს 15-წლამდელმა ძალოსანმა გოგონებმა. მათ შორის გამარჯვებულ-პრიზიორები სინკლერის ცხრილით გამოვლინდა. აღსანიშნავია, რომ ამ შეჯიბრებაზე მათ საქართველოს რამდენიმე რეკორდიც დაამყარეს.

სინკლერის სიით საუკეთესო იყო მარიამ მაისურაძე - 133 (59+74). მან საქართველოს რამდენიმე რეკორდიც დაამყარა: ატაცში 1, აკვრაში 5, ხოლო ორჭიდში 6 კილოგრამით გააუმჯობესა ქვეყნის საუკეთესო მაჩვენებლები. მეორე ადგილზე გავიდა ზუგდიდელი ნათია გადელია - 165 (73+92). ნათიამ ატაცსა და აკვარში სარეკორდო მაჩვენებლებს 2-2, ორჭიდის ჯამს კი 4 კილოგრამით გადააჭარბა. ბრინჯაოს მედალი ხვდა მარიამ მურღვლიანს (ხონი), რომელმაც ორჭიდში 145 (64+81) დაძლია: ატაცში სარეკორდო თამასა 8 კილოგრამით, აკვრაში 11, ხოლო ორჭიდის ჯამში 19 კილოგრამით ასწია.

180
მკითხველის კომენტარები / 0 /
მსგავსი ამბები
რუბრიკის სხვა სიახლეები
;