[ძალოსნობა] პლესნოის სამი ოქრო

რომში გრძელდება ძალოსანთა მსოფლიოს თასის გათამაშება, რომელშიც საქართველოს წარმომადგენლებიც მონაწილეობენ. გუშინ 96 კილოგრამ წონით კატეგორიაში შესანიშნავად იასპარეზა თბილისელმა ანტონ პლესნოიმ. ატაცში მას ორი ცდა გამოუვიდა შედეგიანი, თუმცა 176 კილოგრამით პირველი ადგილი დაიკავა და მეორე ადგილზე გასულ რობერტ სანტავის (კანადა) კილოგრამით აჯობა. 161 კილოთი მესამე იყო ხეტაგ ხუგაევი (რუსეთი).

პლესნოის ორი ცდა იყო წარმატებული აკვრაშიც, მაგრამ პირველობას აქაც ვერავინ შეეცილა, რადგან მის 210 კილოგრამს მეტოქეები ვერ შესწვდნენ (თავად ანტონიმ 220-კილოგრამიანი შტანგა მე-3 მისვლისას ვერ დაიმორჩილა). 205 კილოგრამით მეორე ადგილზე სანტავი გავიდა. ბრინჯაო 198 კილოგრამით ტუდორ კიობანუს (მოლდოვა) ხვდა. ორჭიდის ჯამშიც ოქროს მედალი პლესნოიმ დაისაკუთრა და მანაც სალიცენზიო ქულების შემატებით სარეიტინგო მდგომარეობა საგრძნობლად გაიუმჯობესა. 31 იანვარს რომის ფიცარნაგზე ლაშა ტალახაძე მოსინჯავს ძალებს.

96 კგ

  1. ანტონ პლესნოი (საქართველო) - 386 (176+210)
  2. რობერტ სანტავი (კანადა) - 380 (175+205)
  3. ხეტაგ ხუგაევი (რუსეთი) - 362 (165+197)
368
მკითხველის კომენტარები / 0 /
მსგავსი ამბები
რუბრიკის სხვა სიახლეები
;