ძიგარო კანოს მემორიალზე სამი ძიუდოისტით

2-3 დეკემბერს ტოკიოში, ძიგორო კანოს მემორიალში საქართველოდან მხოლოდ ის სამეული იჭიდავებს, რომელიც პერსონალურადაა მიწვეული, როგორც მსოფლიოს ჩემპიონატის მედალოსანი. ესენია ევროპის ჩემპიონი, მსოფლიოს მესამე პრიზიორი ვაჟა მარგველაშვილი (66), მსოფლიოს ბრინჯაოს მედალოსანი უშანგი მარგიანი (90) და მსოფლიოს ვერცხლის მედალოსანი ვალერი ლიპარტელიანი (100).

დეკემბერში ჩვენებს სანაკრებო დონეზე კიდევ ერთი სოლიდური შეჯიბრება ელოდებათ: 16-17 დეკემბერს სანქტ პეტერბურგში გასამართავი მასტერსი. მონაწილეობა იქაც კვოტირებულია: იწვევენ მხოლოდ მსოფლიოს რეიტინგის 16 საუკეთესო ათლეტს თითოეული წონიდან.

ჩვენ ყველა წონაში გვყავს განთესილებში ხალხი და, შესაბამისად, ნევისპირა ქალაქშიც მოზრდილი გუნდით წავალთ. თუმცა უმეტეს წონებში მხოლოდ თითო მონაწილე გვეყოლება, ორი ფალავანით მხოლოდ ორ წონაში - 90-სა და მძიმეში ვიქნებით ორი კაცით წარმოდგენილნი.

60 კგ. ამირან პაპინაშვილი: III ადგილი, 3393 ქულა
66 კგ. ვაჟა მარგველაშვილი: III, 3126
73 კგ. ლაშა შავდათუაშვილი: VIII, 1482
81 კგ. ზებედა რეხვიაშვილი: VII, 2350
90 კგ. ბექა ღვინიაშვილი: X, 2350; უშანგი მარგიანი: XII, 2259
100 კგ. ვალერი ლიპარტელიანი: IV; 3032
+100 კგ. გურამ თუშიშვილი: III, 2780; ადამ ოქრუაშვილი: X, 1930.

(იბეჭდება მცირე ცვლილებით)
ყოველდღიური სპორტული გაზეთი "ლელო"
968
მკითხველის კომენტარები / 0 /
მსგავსი ამბები
რუბრიკის სხვა სიახლეები