ძიუდომ ევროპა გადასწია

ევროპის ძიუდოს კავშირის გადაწყვეტილებით, 1-3 მაისს პრაღაში გასამართავი ევროპის ჩემპიონატი ახალი კორონავირუსის ეპიდემიის საფრთხის გამო 19-21 ივნისისთვის გადაიტანა. ამასთან, ტურნირი ისევ პრაღაში გაიმართება.

შეგახსენებთ, რომ ესეც სალიცენზიო სტატუსის მქონე შეჯიბრებაა, სადაც ტოკიოს ოლიმპიადის ქულები გაიცემა. რამდენიმე დღით ადრე ძიუდოს საერთაშორისო ფედერაციამ საერთოდ გააუქმა მარტსა და აპრილში ჩანიშნული ყველა ტურნირი - უკლებლივ ყველა ასაკსა და ყველა კონტინენტზე. ამ „სეკვესტრში“ სამი მნიშვნელოვანი სალიცენზიო ტურნირიც მოხვდა - ეკატერინბურგის „დიდი მუზარადი“, რომელიც ამ უქმეებზე უნდა გამართულიყო, 27-29 მარტს ჩასატარებელი თბილისის „დიდი პრიზი“ და მის მიმდევნო კვირაში ანტალიაში დანიშნული ანალოგიური რანგის შეჯიბრება.

554
მკითხველის კომენტარები / 0 /
მსგავსი ამბები
რუბრიკის სხვა სიახლეები
;