ძიუდოს ფედერაციის მკაცრი პასუხი ჩხუბისა და ლოთაობის ფაქტებთან დაკავშრებით

ძიუდოისტების გახშირებულმა სიმთვრალემ და ამით გამოწვეულმა დებოშმა, ეტყობა, საქართველოს ძიუდოს ფედერაციაც შეაწუხა და გადაწყვიტა, ნაკრების წევრ-კანდიდატებთან (ყველა ასაკში) გააფორმოს ხელშეკრულება, რომლითაც აუკრძალავს მათ ლოთაობას, ხოლო შეთანხმების დარღვევის შემთხვევაში დამრღვევთა მიმართ სადამსჯელო სანქციებს გაატარებს. ჯერჯერობით ვერ გეტყვით, რა სახის სანქციებს მიიღებენ, მაგრამ ლაპარაკია ფინანსურ ჯარიმებზეც. თუმცა როგორიც უნდა იყოს სადამსჯელო ღონისძიებები, დაგვეთანხმებით, მათი მიღება-ამოქმედება დროულია და საჭირო.

ძიუდო. ლოთაობა ოლიმპიურ სოფელში! თვითმფრინავში ჩხუბამდეც იყო მძაფრი ინციდენტი

ამ გადაწყვეტილების მიღების საფუძველი მინსკში, მეორე ევროპულ თამაშებზე ჯერ ოლიმპიურ სოფელში, ხოლო შემდეგ მინსკი-თბილისის ავიარეისზე მომხდარი ჩხუბი გახდა. ამ ინციდენტების შესახებ ჩვენ უკვე ვწერდით, თუმცა მაინც შეგახსენებთ: გავრცელებული ვერსიით, ოლიმპიურ სოფელში ჩვენი მწვრთნელი და სპორტსმენი თურმე მთვრალები გაზონზე წამოწვნენ და ხმაურობდნენ, რამაც მთელი სოფლის ყურადღება მიიპყროო, ხოლო თვითმფრინავში მომხდარზე უფრო დაწვრილებითი ინფორმაცია გავრცელდა: მწვრთნელი გიორგი ბაინდურაშვილი ლუკა მაისურაძეს (81) წაეჩხუბაო. ოღონდ საუბარია ორ ვერსიაზე: ფიზიკურ შეურაცხჰყოფაზე და სიტყვიერ დაპირისპირებაზე. თუმცა როგორიც უნდა იყოს რეალური ვერსია, ორივე ფაქტი მეტად არასასიამოვნოა.
ფედერაცია აპირებს, ზემოხსენებული კონტრაქტები ძიუდოისტებს ტოკიოს ოლიმპიადის ჩათვლით გაუფორმოს, მერე კი ახალ შეთანხმებას გააფორმებს.

იყო თუ არა ფიზიკური შეურაცხყოფა თვითმფრინავში? ძიუდოს ფედერაციის პრეზიდენტმა \'ზედმეტი ალკოჰოლი\' და \'სანქცია\' ახსენა

7797
მკითხველის კომენტარები / 0 /
მსგავსი ამბები
რუბრიკის სხვა სიახლეები
;