[ძიუდო] ავთანდილ ჭრიკიშვილმა ბრინჯაო ხელიდან არ გაუშვა

აბუ დაბის გრანპრიზე 90 კგ წონით კატეგორიაში ბრინჯაოს მედალი მოიგო ავთანდილ ჭრიკიშვილმა, ვინც გადამწყვეტ ბრძოლაში სერბი ნემანია მაიდოვი დაამარცხა.

ჭრიკიშვილმა პირველ წრეში დაისვენა, მეორეში ამერიკელ ჯაინს შეხვდა და გამარჯვება არ გასჭირვებია. მომდევნო მეტოქე იყო კუბელი სილვა-მორალესი, რომელიც მშვენივრად იცავდა თავს და ბრძოლა დამატებითში გადაიყვანა.

მან მთელ ბრძოლაში ერთადერთი ილეთი დაიწყო და სწორედ მაშინ წააგო - ჭრიკიშვილმა კონტრ-ილეთით გადააგორა და მეოთხედფინალში გავიდა, სადაც მისი მეტოქე სამხრეთკორეელი დოგჰან გვაკი იყო. ბრძოლა დამატებით დრომდე მივიდა, სადაც გვაკმა იპონით გაიმარჯვა.

ჭრიკიშვილი გადავიდა დამამშვიდებელ ("რეპეშაჟი") წრეში, სადაც შვედ მარკუს ნიმანს სძლია, ბრინჯაოსთვის ბრძოლის უფლება მოიპოვა და უმედლოდაც არ დარჩა.

ამავე წონაში მოასპარეზე გიორგი პაპუნაშვილმა ორი წრე დაისვენა, მესამეში კი მსოფლიოს ჩემპიონ, ესპანეთის სახელით მოასპარეზე ნიკოლოზ შერაზადიშვილს შეხვდა. გამოცდილმა ნიკამ პაპუნაშვილი სამჯერ გააფრთხილებინა და ასე გაიმარჯვა. თუმცაღა, ესპანეთის სახელით მოასპარეზე ქართველს ერთი ვაზარი მარაგში ჰქონდა.

100+ წონაში პირველივე ბრძოლა დათმო ლევან მატიაშვილმა. მისი მეტოქე თურქი ერდოღალი იყო.

3070
მკითხველის კომენტარები / 0 /
მსგავსი ამბები
რუბრიკის სხვა სიახლეები
;