ძიუდო. საქართველო - მეოთხე, პატარიძე - ჩემპიონი

ისპაჰანში დასრულდა მსოფლიოს საკლუბო ჩემპიონატი ბერძნულ-რომაულ ჭიდაობაში, რომელშიც ქართული კლუბი "საქართველოც" გამოდიოდა და ერთი მოგება დააკლდა მედლამდე: ბრინჯაოსთვის შეხვედრა 4:6 დათმო თურქულ "ბუიუკშეჰირთან".

სამაგიეროდ, მსოფლიოს ჩემპიონი გახდა მძიმეწონოსანი ზვიად პატარიძე, რომელმაც ზედიზედ მეორედ მოიპოვა ეს ტიტული: შარშან ირანულ "სინა სანატში" გამოდიოდა, წლეულს კი მეორე ირანული კლუბის - "ბიმეჰ რაზის" შემადგენლობაში მიაღწია ამ წარმატებას.

შეგახსენებთ, რომ ერთი კვირის წინ ანალოგიური გამარჯვება თავისუფალ ჭიდაობაში ვლადიმერ ხინჩეგაშვილმა (61) და გენო პეტრიაშვილმა მოიპოვეს. ისინიც ირანული კლუბის, ოღონდ ქალაქ კაშანის "იზი პაიპის" შემადგენლობაში გამოდიოდნენ.

"საქართველომ" ტურნირის პირველ დღეს - ჯგუფურ ეტაპზე რომ წარმატებით იასპარეზა, უკვე ვწერდით. სამწუხაროდ, მეორე დღეს ასე ვეღარ იჩაუქეს და ჯერ

ნახევარფინალში დამარცხდნენ შარშანდელ გამარჯვებულთან, მასპინძელთა "სინა სანატთან" - 3:7, შემდეგ კი ბრინჯაოსთვის შეხვედრაც დათმეს, სადაც

მასპინძელთა კლუბთან, შარშანდელ გამარჯვებულ "სინა სანატთან" 3:7 წააგო, რასაც მერე ბრინჯაოსთვის შეხვედრა და თურქებთან მარცხი მოჰყვა.

ბოლო შეხვედრაში გამარჯვებები დავით ჩხარტიშვილმა (63), გურამ ხეცურიანმა (87), კუკური კირცხალიამ (97) და ლევან არაბულმა (130) მოიპოვეს.
სამაგიეროდ, ისპაჰანში წარმატებით გამოვიდა პატარიძე, ვინც ირანული "ბიმეჰ რაზის" შემადგენლობაში მხოლოდ ორი შეხვედრა ჩაატარა და ორივეში იმარჯვა.

კლუბის ხელმძღვანელობამ ის თავდაპირველად ჯგუფის პირველ შეხვედრაში დაიხმარა რუსული "მოსკოვის" წინააღმდეგ. პატარიძემ რუსეთში გადასულ თანამემამულე ზურაბ გედეხაურს აჯობა: 3:1. ჩვენებურმა მეორე პაექრობა ნახევარფინალში თურქებთან ჩაატარა და ფატიჰ ბასკოის სძლია. 

836
მკითხველის კომენტარები / 0 /
მსგავსი ამბები
რუბრიკის სხვა სიახლეები