ძიუდო. აღმასკომი 1 დეკემბერს გადაწყვეტს...

როგორც საქართველოს ძიუდოს ფედერაციიდან გვაცნობეს, აღმასკომის სხდომა გაიმართება ხვალ, 1 დეკემბერს. მიზეზი ოსაკას "დიდ მუზარადზე" საქართველოს ნაკრების წევრებს შორის მომხდარი ჩხუბია.

სხდომაზე მოწვეული იქნებიან მწვრთნელი ანზორ თენაძე, ვინც გორელ სპორტსმენებს ახლდა იაპონიაში, და საქართველოში მყოფი იმ ჩხუბის მონაწილე სპორტსმენები (მათი ნაწილი ისევ იაპონიაშია შეკრებაზე). პარალელურად, საქართველოს ძიუდოს ფედერაციამ წერილები გაუგზავნა ძიუდოს მსოფლიოსა და იაპონიის ფედერაციებს და ითხოვს მათ ხელთ არსებული მასალების გაცნობას.

ამით ჩვენმა ძიუდოს ფედერაციამ მომხდარ მართლაც რომ სამარცხვინო ჩხუბთან დაკავშირებით მოკვლევა დაიწყო. იმედია, დამნაშავენი გამოვლინდებიან და საკადრისადაც დაისჯებიან, საზოგადოება კი მომხდარზე სრულ ინფორმაციას შეიტყობს.

925
მკითხველის კომენტარები / 0 /
მსგავსი ამბები
რუბრიკის სხვა სიახლეები