ძიუდო. ბუდაპეშტის გრანპრი. დღე მეორე - ველით რეხვიაშვილსა და გიგანს

10 აგვისტოს ბუდაპეშტში სეზონის მორიგი "დიდი პრიზის" ტურნირი იწყება, რომელიც სალიცენზიო ქულებსაც იძლევა. მასში 6 ქვეყნის 578 სპორტსმენი გამოდის - 346 ვაჟი და 232 ქალი. სოლიდური შემადგენლობის მიუხედავად, "დიდი პრიზი" ორ ძლიერ გუნდს მაინც მოისაკლისებს - არ ჩასულან საფრანგეთი და სამხრეთ კორეა. წილისყრით ჩვენებს ასეთი ბადეები ერგოთ.

73 კგ.
ჩვენებიდან ყველაზე მეტად ფრიდონ გიგანს არ გაუმართლა - პირველივე წრეში მეტოქედ იაპონელთა მსოფლიოს სამგზის ჩემპიონი და რიოს დე ჟანეიროს ოლიმპიადის ბრინჯაოს პრიზიორი მასაში ებინუმა ერგო. ერთი შეღავათი ისაა (ამასაც თუ შეიძლება, შეღავათი ეწოდოს), რომ ებინუმა აქამდე 66-ში გამოდიოდა და ამჯერად ახალ წონაში ჭიდაობს.

81 კგ.
ევროპის პრიზიორი ზებედა რეხვიაშვილი თავდაპირველად რუმინელ ელემერ ჟოცს ხვდება, ხოლო თუ მოუგებს, დიდი ალბათობით, ბულგარელ ივაილო ივანოვს დაეჭიდება, ვინც მანამდე ზამბიელ ანდრეი კასვანგას ხვდება. ამ ჯგუფშის ფავორიტი გერმანელი დომინიკ რესელია, თუმცა ჩვენებური მას მეოთხედფინალამდე არ ხვდება. იქამდე ბელგიელი სამი ჩოუჩიც ანგარიშგასაწევი ძალაა.

492
მკითხველის კომენტარები / 0 /
მსგავსი ამბები
რუბრიკის სხვა სიახლეები