ძიუდო: გელა ზაალიშვილის ბრინჯაო

დღეს პოდგორიცაში დამთავრებულ 23-წლამდელ ძიუდოისტთა ევროპის ჩემპიონატზე თბილისელი მძიმეწონოსანი გელა ზაალიშვილი კონტინენტის მესამე პრიზიორი გახდა.

მან ჯგუფში უკრაინელი ფედირ პანკო ვაზარ-იპონით დაამარცხა, სერბი ზარკო კულუმი კი პირდაპირ იპონზე დააგდო.

ნახევარფინალში ქართველი ფალავანი რუს ტამერლან ბაშაევთან დამარცხდა, ბრინჯაოსთვის შეხვედრაში კი აზერბაიჯანელ ჯალილ შუკუროვს ჯერ ვაზარი აართვა, შემდეგ კი ბეჭებზე დააგდო.

ეს ჩვენი ნაკრების ერთადერთი მედალი გამოდგა ჩერნოგორიაში, თავად ზაალიშვილისთვის კი წლეულს მეორე ევროპული მედალია: ცოტა ხნის წინ 21-წლამდელთა შორისაც მესამეზე გავიდა.

1153
მკითხველის კომენტარები / 0 /
მსგავსი ამბები
რუბრიკის სხვა სიახლეები
;