ძიუდო. გუნდურ ტურნირს მაროკოთი ვიწყებთ, ბრაზილიით ვაგრძელებთ...

კვირას, 20 ოქტომბერს, მარაკეშში, ძიუდოისტთა მსოფლიოს ახალგაზრდულ პირველობაზე გუნდური ტურნირი ჩატარდება, რომელიც შერეული პრინციპით გაიმართება.

ჩვენი ნაკრები D ჯგუფში მოხვდა, სადაც პირველ შეხვედრას მასპინძელ მაროკოსთან ჩაატარებს, ამათში მოგებულს კი მეოთხედფინალში ბრაზილია ელოდება. ამ ჯგუფის გამარჯვებული ნახევარფინალში რუსეთსა და ჩინეთს შორის მოგებულს შეხვდება.

ერთი შეხედვით, ხელსაყრელი წილისყრაა, რადგან იაპონია ფინალამდე აგვცდა, მაგრამ ნუ დაგვავიწყდება, რომ ევროპის ჩემპიონატზე რუსეთმა მოგვიგო. თან, ჩვენ იგივე შემადგენლობა გვყავს, რუსები კი, როგორც წესი, პირველ ნომრებს მსოფლიოს ჩემპიონატისთვის ინახავენ.

ვნახოთ, შეძლებენ თუ ვერა ამჯერად ჩვენები რევანშის აღებას.

725
მკითხველის კომენტარები / 0 /
მსგავსი ამბები
რუბრიკის სხვა სიახლეები
;