ძიუდო. ვინ იჭიდავებს ბაქოს ოლიმპიურ ფესტივალზე?

ზაფხულის XV ევროპულ ოლიმპიურ ფესტივალზე საქართველოს ჭაბუკ ძიუდოისტთა ნაკრები 12 სპორტსმენით იასპარეზებს: ბიჭების გუნდი სრულად იქნება დაკომპლექტებული ანუ 8-ვე წონაში გვეყოლება მონაწილე, გოგონებში კი სპორტსმენით გამოვალთ.

ბიჭებში მთავარმა მწვრთნელმა გიორგი ყიზილაშვილმა ძირითადად ისევ ის შემადგენლობა დააყენა, რომლითაც 27-30 ივნისს ვარშავაში, ჭაბუკთა ევროპის ჩემპიონატზე იასპარეზა, თუმცა ცვლილებებიც მოუხდა: ამ ფესტივალზე წონის გაორება არ შეიძლება; თანაც, მაშინ 55 კილოგრამი საერთოდ გამოტოვა, ახლა კი მიჰყავს მონაწილე. გაორების აკრძალვის გამო სახლში მოუხდა ვიცე-ჩემპიონ ირაკლი დემეტრაშვილის დატოვება და მხოლოდ ჩემპიონი გიგა ტატიაშვილი მიჰყავს (შეგახსენებთ, რომ ვარშავაში ამ წონაში ქართული ფინალი გაიმართა). ამასთან, მონაწილეები შეცვალა 66 და 73 კილოგრამებში.

გოგონების გუნდის ოთხივე მონაწილეც ევროპის ჩემპიონატზე ნაასპარეზევია, თუმცა ვარშავაში 9 წარმომადგენელი გვყავდა.

საქართველოს ნაკრები
ბიჭები
50 კგ. ნიკა ბაჩიაშვილი
55 კგ. გუგა ამირხანაშვილი
60 კგ. კოტე კაპანაძე
66 კგ. ელგუჯა ჭინჭარაული
73 კგ. გიორგი იანტბელიძე
81 კგ. აკაკი ჯაფარიძე
90 კგ. თორნიკე ფოლადაშვილი
+90 კგ. გიგა ტატიაშვილი
მწვრთნელები: გიორგი ყიზილაშვილი, ლომერ ჟორჟოლიანი

გოგონები
44 კგ. ლოლიტა გაბუნია
48 კგ. დიანა ფილკინა-გაგოშიძე
63 კგ. მარიამ ლაფაჩიშვილი
+70 კგ. მარიამ ლაფაჩიშვილი
მწვრთნელი: კახა მოცრაძე

840
მკითხველის კომენტარები / 0 /
მსგავსი ამბები
რუბრიკის სხვა სიახლეები
;