ძიუდო. ვინ მიდის პრაღაში?

3-4 მარტს პრაღაში "ევროპის ღია თასი" ტარდება ძიუდოში, რომელიც უფროსთათვის განკუთვნილი შეჯიბრებაა, თუმცა ჩვენგან იქ ახალგაზრდული ნაკრები იასპარეზებს. მათ მწვრთნელებმა "მეორე დონის" ჩემპიონატიდან რამდენიმე ფალავანიც შეურიეს, თუმცა ისინიც - ახალგაზრდული ასაკისა.

ეს ძიუდოს ფედერაციის ექსპერიმენტის შედეგია - ახალი თაობა თანდათან შეაჩვიოს უფროსთა შეჯიბრებებს და მორალურ-ფსიქოლოგიურად მოამზადოს უფროსებში გადასასვლელად, რათა იქ ადაპტაციაზე ბევრი დრო არ დაკარგონ. ამიტომ საწყის ეტაპზე დაბალი რანგის და შედარებით სუსტ შეჯიბრებებს - ევროპის თასებს არჩევენ.

მთავარ მწვრთნელ ლაშა გუჯეჯიანს მძიმე წონაში არავინ არ მიჰყავს, რადგან გელა ზაალიშვილიც და ამირან წიქორიძეც ოპერაციის შემდგომ სარეაბილიტაციო პერიოდს გადიან.

ამჯერად ახალ წონებში გვევლინებიან ახალგაზრდებში ევროპისა და მსოფლიოს შარშანდელი მესამე პრიზიორი ტატო გრიგალაშვილი, ვინც 73-დან უკვე საბოლოოდ გადავიდა 81-ში, და იმავე ასაკში ევროპის შარშანდელი ვიცე-ჩემპიონი ლუკა მაისურაძე - ამიერიდან მას 81-ის ნაცვლად 90-ში ვიხილავთ.

გუნდი ტურნირის შემდეგ პრაღაში ერთობლივ ვარჯიშებზეც დარჩება.

60 კგ. ჯაბა პაპინაშვილი, ზურაბ კახნიაშვილი
66 კგ. ბაგრატ ნინიაშვილი, თორნიკე ნაგლიაშვილი
73 კგ. ალექსანდრე მამიაშვილი
81 კგ. ტატო გრიგალაშვილი, ტრისტან მოსახლიშვილი
90 კგ. ლუკა მაისურაძე, იმედა გოგოლაძე
100 კგ. ზაურ კენჭაძე

2507
მკითხველის კომენტარები / 0 /
მსგავსი ამბები
რუბრიკის სხვა სიახლეები
;