[ძიუდო] თბილისის გრან პრი არ ჩაიშლება!

მოგეხსენებათ, კორონავირუსის საფრთხის გამო მსოფლიოში უკვე არაერთი სპორტული ღონისძიება გადაიდო. ერთ-ერთი მათგანი ამ უქმეებზე მაროკოულ რაბათში გასამართავი ძიუდოისტთა „დიდი პრიზია“ - ჩვენი ნაკრები, ფაქტობრივად, ტრაპიდან მოხსნეს, რადგან უკვე აეროპორტში იყვნენ მისულნი აფრიკაში გასაფრენად.

ბუნებრივია, თბილისის „დიდი პრიზის“ ბედითაც დავინტერესდით, რომელიც ამ თვის ბოლოს - 27-29 მარტს უნდა გაიმართოს, ხომ არ ემუქრება მასაც ჩაშლა. როგორც საქართველოს ძიუდოს ფედერაციაში გვითხრეს, ამის საშიშროება ჯერჯერობით არ არსებობს და ისინი ჩვეულებრივად ემზადებიან შეჯიბრების სამასპინძლოდ. მაროკოული ტურნირის გადადების თუ ჩაშლის გადაწყვეტილება ქვეყნის ხელისუფლებას მიუღია, მათგან განსხვავებით კი ჩვენი მთავრობა, ჯერჯერობით, მსგავს წინადადებას არ განიხილავს. ღმერთმა ნუ ჰქნას საქართველოში ამ ვირუსის აფეთქება, თუმცა ერთ-ერთ ყველაზე უარეს ვარიანტად ტურნირის უმაყურებლოდ გამართვაც განიხილება.

დასასრულს, შეგახსენებთ, რომ ტურნირზე უკვე 87 ქვეყანაა დარეგისტრირებული.

1978
მკითხველის კომენტარები / 0 /
მსგავსი ამბები
რუბრიკის სხვა სიახლეები
;