ძიუდო. თუშიშვილი რინერზე წინ

სანკტ პეტერბურგის მასტერსის შემდეგ ძიუდოს საერთაშორისო ფედერაციამ (IJF) წლის საბოლოო რეიტინგები გამოაქვეყნა. ქართველებს ვაჟთა წონებში 3 მეორე ადგილი და ერთი მე-3 ადგილი უკავიათ.

60 კგ.

ამირან პაპინაშვილი 3363 ქულით მე-7 ადგილზე გავიდა. 1 400 ქულით 21-ეა ლუხუმი ჩხვიმიანი.

1. ნაოჰიშა ტაკატო (იაპონია) 5050 ქულა
2. რიუჯუ ნაგაიამა (იაპონია) 4140
3. ფრანსისკო გარიგოსი (ესპანეთი) 3759

66 კგ.

ვაჟა მარგველაშვილი წელიწადს მესამე ადგილზე ასრულებს. მას 4251 ქულა აქვს. ლაშა გიუნაშვილი 1228 ქულით 26-ე ადგილზეა.

1. ჰიფუმი აბე (იაპონია) 4500
2. ტალ ფლიკერი (ისრაელი) 4382
3. ვაჟა მარგველაშვილი (საქართველო) 4251

73 კგ.

ლაშა შავდათუაშვილი 3722 ქულით მე-5 ადგილზეა.

1. სოიჩი ჰაშიმოტო (იაპონია) 7150
2. ოდბაიარ განბაათარი (მონღოლეთი) 4988
3. რუსტავ ორუჯოვი (აზერბაიჯანი) 4968

81 კგ.

ერთადერთი წონითი კატეგორია, სადაც ათეულში არ გვყავს ძიუდოისტი - ზებედა რეხვიაშვილი 2368 ქულით მე-11 ადგილზეა.

1. ხასან ხალმურზაევი (რუსეთი) 4650
2. ფრანკ დე ვიტი (ჰოლანდია) 4554
3. საეიდ მოლაეი (ირანი) 3854

90 კგ.

ბექა ღვინიაშვილმა ბოლოს დიდი ნახტომი გააკეთა, 8 საფეხურით წაიწია და წელი მე-2 ადგილზე დაასრულა 4150 ქულით. უშანგი მარგიანი 2723 ქულით მე-11 ადგილზეა.

1. ალეკსანდარ კუკოლი (სერბეთი) 4418
2. ბექა ღვინიაშვილი (საქართველო) 4150
3. ნიკოლოზ შერაზადაშვილი (ესპანეთი) 3679

100 კგ.

ერთი საფეხურით წაიწია რეიტინგში ვალერი ლიპარტელიანმა. 4732 ქულით ლიპარტელიანი მეორეა.

1. მიხაელ კორელი (ჰოლანდია) 4836
2. ვალერი ლიპარტელიანი (საქართველო) 4732
3. მიკლოშ ცირენიჩი (უნგრეთი) 4279

100+ კგ.

გურამ თუშიშვილმა ერთი საფეხურით წაიწია. მან მეორეზე დაასრულა სეზონი 4580 ქულით. აღსანიშნავია, რომ თუშიშვილმა რეიტინგში თვით ტედი რინერს გადაასწრო. რინერი დაუმარცხებლად ჭიდაობს, უბრალოდ, მან წლეულს ბევრი ტურნირი გამოტოვა და ამიტომაც გაუსწრო ბოლოს ქართველმა ძიუდოისტმა.
ადამ ოქრუაშვილი 1930 ქულით მე-15 ადგილზეა, ხოლო ლევან მატიაშვილი 1377 ქულით 23-ეა.

1. დავიდ მოურა (ბრაზილია) 5710
2. გურამ თუშიშვილი (საქართველო) 4580
3. ტედი რინერი (საფრანგეთი) 3550

ყოველდღიური სპორტული გაზეთი "ლელო"
2105
მკითხველის კომენტარები / 0 /
მსგავსი ამბები
რუბრიკის სხვა სიახლეები