[ძიუდო] ლიპარტელიანის სამი ოპერაცია

ძიუდოისტ ვაჟთა ნაკრების ერთ-ერთი ლიდერი, ევროპის სამგზის ჩემპიონი, მსოფლიოს სამგზის ფინალისტი და ოლიმპიადის ვერცხლის მედალოსანი ვალერი ლიპარტელიანი (100) უკვე თბილისში და ახლა ადგილზე აგრძელებს ნაოპერაციები ხელის მკურნალობას. ჩვენ უკვე გაცნობეთ, რომ მას დიუსელდორფის „დიდი მუზარადის“ შემდეგ იქვე გერმანიაში ექიმთა ჩარევა დასჭირდა ხელზე გაჩენილი სისხლჩაქცევის გამო და ორი ოპერაციაც გაუკეთეს. ამის შემდეგ მას კიდევ ერთი ქირურგიული ჩარევა დასჭირდა და პრობლემა ბოლომდე აღმოიფხვრა, თუმცა ერთთვიანი სარეაბილიტაციო კურსი სჭირდება, ამ ხნის განმავლობაში კი ვერ ივარჯიშებს, მხოლოდ წამლობის დანიშნული კურსი უნდა ჩაიტაროს.

არადა, გერმანელი ექიმების თქმით, ეს ტრავმაც, თურმე, გადამეტებული ვარჯიშით განუვითარდა და ვარჯიშს ვინღა დაეძებს, ისევ და ისევ იქაური დასტაქრების თქმით, ორგანიზმის მოწამვლის საშიშროებაც ყოფილა. საბედნიეროდ, მკურნალობა დროულად ჩაიტარა და ახლა სარეაბილიტაციო პერიოდს გადის.

799
მკითხველის კომენტარები / 0 /
მსგავსი ამბები
რუბრიკის სხვა სიახლეები
;