ძიუდო. ლიპარტელიანი 100-ში კვლავ პირველია... ახალგაზრდების არნახული წინსვლა

ანტალიის გრან პრის შემდეგ ძიუდოს საერთაშორისო ფედერაციამ (IJF) რეიტინგი განაახლა.

თურქეთში IJFის წლის მე-7 ტურნირი გაიმართა, რომელიც შემადგენლობით თბილისის გრან პრიზე ძლიერი აღმოჩნდა. სასიხარულოა, რომ ასეთ შეჯიბრებაში სამმა ქართველმა თინეიჯერმა გამოიჩინა თავი.

19 წლის ბაგრატ ნინიაშვილი (66 კგ) ჩემპიონი გახდა, მისი თანატოლი ჯაბა პაპინაშვილი (60) ვერცხლის მედალს შესწვდა, ხოლო 18 წლის ტატო გრიგალაშვილმა ბრინჯაოს მედალი მოიგო.

ნინიაშვილს ანტალიურმა გამარჯვებამ 700 ქულა შემატა რეიტინგში. მან 36 საფეხურით წაიწია წინ და 1 326 ქულით ახლა 27ე პოზიციაზეა. სხვათა შორის, მსოფლიოს ახალგაზრდულ რეიტინგში ნინიაშვილი მე5 ადგილზეა. მან დიდებში კარიერაში პირველი ტურნირი მოიგო. წონაში კვლავ მე2 პოზიციაზეა ვაჟა მარგველაშვილი 4 173 ქულა.

ჯაბა პაპინაშვილი მსოფლიოს ახალგაზრდული რეიტინგის ლიდერია, ხოლო დიდებში 540 ქულით უკვე მე-60 პოზიციაზეა. მან 203 (!) პოზიციით წაიწია წინ და ქართველთა შორის მესამეა უფროსი ძმის, ამირან პაპინაშვილის (მე5) და ლუხუმ ჩხვიმიანის (მე12) შემდეგ.

ტატო გრიგალაშვილს 362 ქულა აქვს და 87ე პოზიციაზეა 81 კილოში. მან 227 საფეხურით წაიწია წინ. რადგან ტატოს 73 კილოგრამშიც უჭიდავია, მას იქაც საკმაოდ კარგი რეიტინგი აქვს 73ე პოზიციაზეა. მსოფლიოს ახალგაზრდულ რეიტინგში კი იგი მესამეა.

100 კილოში კვლავ ლიდერია ვარლამ ლიპარტელიანი, მეორე პოზიციები უკავიათ მარგველაშვილს, ბექა ღვინიაშვილსა (90) და გურამ თუშიშვილს (+100). 73-ში მე-4 ადგილზეა ლაშა შავდათუაშვილი, 60ში მეხუთეა ამირან პაპინაშვილი. ერთადერთი წონა, სადაც ათეულში არავინ გვყავს, ისევ 81-ია. ზებედა რეხვიაშვილი მე-12 პოზიციაზე რჩება.

ყოველდღიური სპორტული გაზეთი "ლელო"
1306
მკითხველის კომენტარები / 0 /
მსგავსი ამბები
რუბრიკის სხვა სიახლეები