ძიუდო. ლიპო №1: მატება ლიდერებსა და რეიტინგში

პარიზის გრანდ სლემზე მოპოვებულმა წარმატებამ ჩვენს ძიუდოისტებს მსოფლიოს ვაჟთა რეიტინგში წინსვლა მოუტანა - სიაში იქამდე ორი ჩვენგანი თუ ლიდერობდა, ახლა სამი ლიდერი გვყავს, რადგან ვალერი ლიპარტელიანსა (100) და გურამ თუშიშვილს (+100) ვაჟა მარგველაშვილიც (66) დაემატა. თუმცა, საწუხაროდ, საქმე კარგად არც სხვა წონებში გვაქვს, რადგან 7-დან 5 წონაში კვლავაც განთესილთა შორის ვართ.

60 კგ.
აქ რეიტინგს ქართველები ლიდერობენ, ოღონდ პირველ ადგილზე რუსთა სახელით მოჭიდავე ქართველი - რობერტ მშვიდობაძეა 6106 ქულით, ევროპის ჩემპიონი და მსოფლიოს ორგზის მესამე პრიზიორი ამირან პაპინაშვილი კი მეორეა 5848-ით. იაპონელი მსოფლიოს სამგზის ჩემპიონი, ოლიმპიური პრიზიორი ნაოჰისა ტაკატო ამჟამად მესამეა 5550 ქულით.

ჯერჯერობით სალიცენზიო ზონაში შედის ლუხუმ ჩხვიმიანი, ამასობაში კი რეიტინგს იქმნიან ახალგაზრდები - თემურ ნოზაძე პარიზში მოპოვებული ბრინჯაოს მედლით 57-ე ადგილამდე აღზევდა, იქ მეხუთეზე გასულ ჯაბა პაპინაშვილს კი მანამდეც ჰქონდა გარკვეული ქულები და 42-ეა.

1. რობერტ მშვიდობაძე (რუსეთი) - 6106
2. ამირან პაპინაშვილი (საქართველო) - 5848
3. ნაოჰისა ტაკატო (იაპონია) - 5550
4. რიუჯუ ნაგაიამა (იაპონია) - 5510
5. ამარტუვშინ დაშდავაა (მონღოლეთი - 4439
13. ლუხუმ ჩხვიმიანი (საქართველო) - 2891
42. ჯაბა პაპინაშვილი (საქართველო) - 1016
57. თემურ ნოზაძე (საქართველო) - 612

66 კგ.
პარიზში მოპოვებულმა ვერცხლმა ევროპის ჩემპიონი და მსოფლიოს მედალოსანი ვაჟა მარგველაშვილი პირველ ადგილზე აღაზევა. მას გაუნულდება გერმანიაში ორი წლის წინ მოპოვებული 700 ქულა, ამ შემთხვევაში კი ისევ გადაუსწრებს იაპონელთა მსოფლიოს ორგზის ჩემპიონი ჰიფუმი აბე.

ახალგაზრდებიდან ბაგრატ ნინიაშვილი 42-ეა,
100-ეულში კი ლაშა გიუნაშვილიც შედის.
1. ვაჟა მარგველაშვილი (საქართველო) - 6046
2. ჰიფუმი აბე (იაპონია) - 5560
3. ბარუხ შმაილოვი (ისრაელი) - 4941
4. ჯოშირო მარუიამა (იაპონია) - 4690
5. ტალ ფლიკერი (ისრაელი) - 4365
42. ბაგრატ ნინიაშვილი (საქართველო) - 1133
53. ლაშა გიუნაშვილი (საქართველო) - 870

73 კგ.
ოლიმპიურსა და ევროპის ჩემპიონ ლაშა შავდათუაშვილს შეეძლო, პარიზში გამარჯვებით რეიტინგის ლიდერობა გადაებირებინა იაპონელთა მსოფლიოს ჩემპიონ სოიჩი ჰაშიმოტოსგან, მაგრამ მესამეზე გავიდა და ამ წონაში მეორე ადგილამდე აიწია, პარალელურად კი ყველა წონის რეიტინგის ათეულშიც შევიდა.
ცუდი ისაა, რომ ამ წონაში შავდათუაშვილის სრულფასოვანი რეზერვი არ ჩანს - ასეულში მხოლოდ ფრიდონ გიგანი შედის და ისიც მე-80 ადგილზეა.

1. სოიჩი ჰაშიმოტო (იაპონია) - 6008
2. ლაშა შავდათუაშვილი (საქართველო) - 5791
3. ჩანგრიმ ანი (კორეა) - 5680
4. რუსტამ ორუჯოვი (აზერბაიჯანი) - 5353
5. ტომი მაკიასი (შვედეთი) - 4818
80. ფრიდონ გიგანი (საქართველო) - 523

81 კგ.
მძიმე წონის შემდეგ, რაოდენობრივად 100-ეულში ყველაზე მეტი მონაწილე ამ წონაში გვყავს, მაგრამ განთესილთა შორის კვლავაც არავინაა. თურქეთის სახელით მოჭიდავე მსოფლიოს ბრინჯაოს მედალოსანი ვედატ ალბაირაქი მე-7 ადგილზეა, ხოლო პორტუგალიის სახელით მოჭიდავე ანრი ეგუტიძე - მე-12.
ჩვენებიდან საუკეთესო რეიტინგი ევროპის მედალოსან ზებედა რეხვიაშვილს აქვს, ვინც 28-ეა. ამ წონაში ჩვენი სამწვრთნელო შტაბის უახლოესი ამოცანა სალიცენზიო ზონაში შეღწევა უნდა იყოს. იმედია, ლუკა მაისურაძის თუ სხვა ახალგაზრდების სალიცენზიო შეჯიბრებებში ჩართვა ამ ამოცანას დაგვაძლევინებს. ამასთან, დაშავებულია და ჯერჯერობით ვერ იჭიდავებს თამაზ კირაკოზაშვილი.

1. საეიდ მოლაე (ირანი) - 6694
2. ფრანკ დე ვიტი (ჰოლანდია) - 4750
3. ტაკეში სასაკი (იაპონია) - 4467
4. საგი მუკი (ისრაელი) - 4349
5. ალან ხუბეცოვი (რუსეთი) - 4292
28. ზებედა რეხვიაშვილი (საქართველო) - 1645
31. თამაზ კირაკოზაშვილი (საქართველო) - 1481
50. ნუგზარ ტატალაშვილი (საქართველო) - 921
73. ტატო გრიგალაშვილი (საქართველო) - 544
90. ლუკა მაისურაძე (საქართველო) - 406
100. კობა მჭედლიშვილი (საქართველო) - 354

90 კგ.
ველოდებით, რომ სალიცენზიო მარათონში ახალგაზრდა ლაშა ბექაურიც აქტიურად ჩაებმება და გიორგი პაპუნაშვილის გამოსვლაც არ უნდა იყოს უინტერესო.
არადა, ამ წონის რეიტინგს ქართველი კი ლიდერობს, მაგრამ ის ესპანეთის ღირსებას იცავს.

1. ნიკოლოზ შერაზადიშვილი (ესპანეთი) - 7162
2. კრისტიან ტოტი (უნგრეთი) - 6004
3. ალექსანდრ კუკოლი (სერბეთი) - 4574
4. ივან ფელიპე სილვა მორალესი (კუბა) - 4355
5. დონჰან გვაკი (კორეა) - 4276
14. უშანგი მარგიანი (საქართველო) - 2897
19. ბექა ღვინიაშვილი (საქართველო) - 2647
44. ავთანდილ ჭრიკიშვილი (საქართველო) - 1011
59. ლაშა ბექაური (საქართველო) - 700
64. გიორგი პაპუნაშვილი (საქართველო) - 626

100 კგ.
პარიზში გამარჯვებით ევროპის სამგზის ჩემპიონმა, მსოფლიოს სამგზის ფინალისტმა და ოლიმპიადის ვიცე-ჩემპიონმა ლიპარტელიანმა არა მარტო ამ წონის ლიდერობა განიმტკიცა, ყველა წონის ათეულის ლიდერადაც იქცა, ხოლო მის ფავორიტობას ამ წონაში ჯერჯერობით საფრთხე არ ემუქრება. ეს ძალიან კარგია, მაგრამ, აჯობებს, ლიპარტელიანს ნაკრებში ჰყავდეს უფრო ძლიერი კონკურენტები. არადა, ამას დიდი ხანია, ველოდებით ონისე სანებლიძისგან, ვისაც წლეულს უფრო მეტად მიეცემა სალიცენზიო შეჯიბრებეში გამოსვლის საშუალება.

1. ვალერი ლიპარტელიანი (საქართველო) - 7908
2. პეტერ პალჩიკი (ისრაელი) - 5109
3. გუჰამ ჩო (კორეა) - 4746
4. აარონ ვოლფი (იაპონია) - 4365
5. მიხაელ კორელი (ჰოლანდია) - 4215
47. ონისე სანებლიძე (საქართველო) - 903
54. ლაშა ტაველური (საქართველო) - 810
94. იასონ ნემსაძე (საქართველო) - 316

+100 კგ.
აქ ლიდერობას ისევ ინარჩუნებს ევროპისა და მსოფლიოს ჩემპიონი გურამ თუშიშვილი.
საბედნიეროდ, ამ წონაში 100-ეულში ბევრი წარმომადგენელიც გვყავს: აქამდე თუ ექვსი გვყავდა, პარიზის შემდეგ მათ გიორგი ზაქარიაძეც დაემატა.

1. გურამ თუშიშვილი (საქართველო) - 7752
2. ლუკაშ კრპალეკი (ჩეხეთი) - 5321
3. დავიდ მოურა (ბრაზილია) - 3793
4. დუურენბაიარ ულზიიბაიარი (მონღოლეთი) - 3644
5. სუნგმინ კიმი (კორეა) - 3592
33. ადამ ოქრუაშვილი (საქართველო) - 1228
44. ლევან მატიაშვილი (საქართველო) - 1085
52. ონისე ბუღაძე (საქართველო) - 825
58. გელა ზაალიშვილი (საქართველო) - 756
86. გიორგი ქავთარაძე (საქართველო) - 329
94. გიორგი ზაქარიაძე (საქართველო) - 272

ყოველდღიური სპორტული გაზეთი "ლელო"
1182
მკითხველის კომენტარები / 0 /
მსგავსი ამბები
რუბრიკის სხვა სიახლეები
;