ძიუდო. მსოფლიოს ჩემპიონატზე ქალებში არავინ გვეყოლება, ნაკრებს ჯანაშვილი გამოაკლდა

ბაქოში 20-27 სექტემბერს გასამართავ ძიუდოისტთა მსოფლიოს ჩემპიონატზე ქალთა შორის მონაწილე არ გვეყოლება. იქ ისედაც მხოლოდ ერთი სპორტსმენი - მარიამ ჯანაშვილი გვყავდა დარეგისტრირებული 52 კილოგრამში, თუმცა როგორც ქალთა ნაკრების მთავარმა მწვრთნელმა გია თენაძემ გვითხრა, ჯანმრთელობის პრობლემების გამო ასპარეზობას ვეღარც ის შეძლებს.

ჯანაშვილის კარიერას ტრავმებმა დიდი დაღი დაასვა, თუმცა ამჯერად ტრავმა არაფერ შუაშია, მიზეზი შინაგანი სნეულებაა - თურმე სპორტსმენს საჭმლის მომნელებელი სისტემის პრობლემა შეჰქმნია, რის გამოც სრულად ვერ ვარჯიშობდა. არადა, მონაწილის ჩანაცვლება მხოლოდ ამ წონაში შეგვიძლია, სხვა წონაში ვეღარ დავამატებთ, თუმცა არც გვყავს მეტი ხეირიანი ძიუდოისტი.

52-ში უკრაინიდან გადმოსული ტატიანა ლევიცკა-შუკვანი კი არის, მაგრამ მას უკრაინის ფედერაციამ არ დართო გადმოსვლის ნება და ჯერ ჩვენი სახელით ვერ იჭიდავებს. ამას მხოლოდ ოქტომბრის ბოლოდან შეძლებს, როცა მოქალაქეობის შეცვლისთვის საჭირო ვადა გაუდის და უკრაინული მხარე მის დაკავებას ვერ შეძლებს.

1336
მკითხველის კომენტარები / 0 /
მსგავსი ამბები
რუბრიკის სხვა სიახლეები
;