ძიუდო. ნაკრები, სოფიისკენ, ევროპის ახალგაზრდული ჩემპიონატზე დაირაზმა

გუშინ სოფიაში გაფრინდნენ ძიუდოისტთა ახალგაზრდული გუნდები - ბიჭებიც და გოგონებიც. ისინი ბულგარეთში 13-16 სექტემბერს ევროპის ახალგაზრდულ პირადგუნდურ ჩემპიონატში იასპარეზებენ.

ბიჭების ნაკრები იქ სრული შემადგენლობით გამოვა, თუმცა ერთ წონას - 73 კილოგრამს გამოვტოვებთ. ამის ხარჯზე მთავარმა მწვრთნელმა ლაშა გუჯეჯიანმა სამი წონა გააორა, ხოლო 73-ში მონაწილე მხოლოდ გუნდურისთვის მიჰყავს. გუნდურში მან ერთბაშად ოთხი ფალავანი დაიმატა.

გოგონებში სოფიაში არასრული გუნდით, მხოლოდ 5 მონაწილით გამოვლენ. ეს ხუთეული გია თენაძემ ადრევე გამოარჩია, რადგან დიდი არჩევანი არც ჰქონდა, და მათ მიზანმიმართულად ამზადებდა კონტინენტის პირველობისთვის.

ბუნებრივია, გოგონებზე აქცენტი მედალზეც კეთდება, მაგრამ მათი წაყვანის ერთ-ერთი მთავარი დანიშნულება გუნდური შეჯიბრებაცაა, რომელიც შერეული სისტემით იმართება ანუ გოგონები და ბიჭები ერთ გუნდში ჭიდაობენ.

სოფიაში პირველი ორი დღე პირად პირველობას დაეთმობა, ხოლო გუნდური ტურნირი 16-ში ჩატარდება.

ბიჭები

პირადი პირველობა
55 კგ. ვანო ხუბაშვილი
60 კგ. ჯაბა პაპინაშვილი, თემურ ნოზაძე
66 კგ. ბაგრატ ნინიაშვილი
81 კგ. ტატო გრიგალაშვილი, ლუკა მაისურაძე
90 კგ. ლაშა ბექაური
100 კგ. ონისე სანებლიძე, ზაურ კენჭაძე
+100 კგ. გელა ზაალიშვილი

გუნდურში დაემატებიან
73 კგ. გიორგი ნიაზაშვილი, ალეკო მამიაშვილი
81. ვალერი ახალკაცი
+100 კგ. ამირან წიქორიძე

გოგონები
48 კგ. ტატა ყიფშიძე
57 კგ. მზია ბებოშვილი, ეთერ ლიპარტელიანი
70 კგ. მარიამ ჭანტურია
+78 კგ. სოფიო სომხიშვილი

ყოველდღიური სპორტული გაზეთი "ლელო"
1186
მკითხველის კომენტარები / 0 /
მსგავსი ამბები
რუბრიკის სხვა სიახლეები
;