ძიუდო. ოქროს შანსი ბაქოში! გელა ზაალიშვილი ფინალშია!

ბაქოში მიმდინარე ძიუდოისტთა "გრან სლემზე" +100 კგ წონითი კატეგორიის ფინალში გავიდა გელა ზაალიშვილი, რომელმაც ნახევარფინალში რუსეთის წარმომადგენელი ანტონ კრივობოკოვი დაამარცხა და ახლა ოქროს მედლისთვის კიდევ ერთ იქაურს, რუსლან შახბაზოვს შეეტოქება.

ახალგაზრდა ზაალიშვილს წილისყრისას თითქოს არ გაუმართლა - მართალია, ის პირდაპირ მეორე წრეში იყო დაშვებული, მაგრამ იქ ჰოლანდიელ ევროპის მედალოსან როი მეიერთან უწევდა ბრძოლა.

საბედნიეროდ, ზაალიშვილმა მეიერიც ჩამოიშორა გზიდან და თავისი ჯგუფის ფინალში აზერბაიჯანელ რუსტამ კოცოევსაც სძლია. ფინალური ბლოკი 17 საათიდან დაიწყება.

371
მკითხველის კომენტარები / 0 /
მსგავსი ამბები
რუბრიკის სხვა სიახლეები
;