ძიუდო. პირველი მედალი ამირან პაპინაშვილისაა [VIDEO]

მაროკოს ქალაქ მარაკეშში მიმდინარე ძიუდოს გრანპრიზე ამერან პაპინაშვილმა (60კგ) ბრინჯაოს მედალი მოიპოვა.

იგი ჯერ ყაზახ შამშადინს შეხვდა და იოლად გაუსწორდა, მეოთხედფინალისთვის ბრძოლაში კი ესპანელი ნუნიეს როდრიგესის ბარიერი დაძლია.

ამირანმა პირენეელი ეფექტურად დაატრიალა და იპონზე დაანარცხა.

მეოთხედფინალში მან უკრაინელ არტიომ ლესიუკთან ბრძოლა კარგად წარმართა, მეტოქეს ორი გაფრთხილებაც მიაღებინა, მაგრამ ბოლოწამს უკრაინელის გდება გაეპარა...

თუმცა ამირანი დაშვებისას არც გვერდზე დავარდნილა, არც ზურგზე, მსაჯებმა კი ლესიუკს ვაზარი ჩაუთვალეს და გამარჯვების ნიშნად ხელიც აუწიეს.

პაპინაშვილმა რეპეშაჟში მაროკოელ ისამ ბასუსას მოუგო. მესამე ადგილისთვის ბრძოლაში კი ორი ვაზარით ბრიტანელ ეშლი მაკენზის აჯობა.

ეს პირველი მედალი მაროკოს გრანპრიზე.

66 წონით კატეგორიაში ნიკო ჭიკაიძემ და გიორგი გუგულაშვილმა მედლამდე ვერ მიაღწიეს.

985
მკითხველის კომენტარები / 1 /
ქარ
0
ხელი ჩაყვა ილეთისას, მართალია ბეჭი ან მხარი არ დაუდია, მაგრამ ახალი წესებით ვაზარია სუფთა. ჩემი აზრით უკვე შემდეგ ბრძოლაზე ფიქრობდა, მოეშვა და გაეპარა ილეთი. არაუშავს ხდება ხოლმე, ძიუდოში აუცილებელია ბოლო წამამდე მობილიზებული ყოფნა, წინააღმდეგ შემთხვევაში ასეთი რამეები ხდება:)
მსგავსი ამბები
რუბრიკის სხვა სიახლეები
;