ძიუდო. პროტესტი: კირაკოზაშვილი, ჭრიკიშვილი და პაპუნაშვილი მინსკში არ იჭიდავებენ

უახლოეს უქმეებზე მინსკში ევროპის "ღია თასი" ტარდება, რომელშიც საქართველოდან 6 სპორტსმენი - 5 ვაჟი და 1 ქალი მიიღებს მონაწილეობას.
ვაჟთა ტურნირში მხოლოდ ორ წონაში - 81-სა და 100-ში გვეყოლებიან მონაწილენი. 81-ში ზებედა რეხვიაშვილი, კობა მჭედლიშვილი, ტატო გრიგალაშვილი და გიგა გიგაური გამოვლენ, 100-ში - ლაშა ტაველური. ქალებში მარიამ ჯანაშვილი (52) იასპარეზებს.

თავდაპირველი გეგმით, მინსკში თამაზ კირაკოზაშვილს (81), ავთანდილ ჭრიკიშვილსა და გიორგი პაპუნაშვილსაც (ორივე - 90) უნდა ეჭიდავათ, მაგრამ გუშინ მათ წასვლაზე საბოლოოდ განაცხადეს უარი. სამაგიეროდ, გუშინ შემადგენლობას დაემატა ტაველური, რომელიც წინა დღეებში არ განიხილებოდა წამსვლელთა შორის.

ჯერჯერობით ასევე ვერ ჭიდაობს ქალებში ტატიანა შუკვანი (52), რადგან მისთვის საერთაშორისო ფედერაციას არ მიუცია გამოსვლის უფლება.
გუშინვე გავრცელდა ჭრიკიშვილის განცხადება, რომელშიც ის ამბობს, რომ იმსახურებს მსოფლიოს ჩემპიონატზე გამოსვლას, რაც ზაგრების "დიდ პრიზზე" დაიმსახურა, თუმცა, ამის მიუხედავად, მაინც მზადაა, საკონტროლო შეხვედრები ჩაატაროს ბექა ღვინიაშვილთან.

იმავე განცხადებაში მან მინსკში წაუსვლელობა იმით ახსნა, რომ იქ არც ღვინიაშვილი იჭიდავებს. "ფაქტობრივად, მისპობენ შანსს, გავემგზავრო მსოფლიოს ჩემპიონატზე" - ამბობს ჭრიკიშვილი ამ მიმართვაში.

ავთანდილ ჭრიკიშვილი: ვიჩაგრები იმის გამო, რომ დავუპირისპირდი დავით ქევხიშვილს

3867
მკითხველის კომენტარები / 2 /
ევროპის პრიზიორი
0
საერთოდ არ მახსოვს ძიუდოში რაც შიგნით ხდებოდა სადმე გასულიყო ჩვენი ოჯახის გარეთმ ეხლა ეს ბოლო პერიოდი რასაც ვუყურებ მრცხვენია რო ძიუდოისტი ვიყავი, საერთოდ გახედვა აღარ მინდა და წაკითხვა თქვენზე დაწერილ საგმირო საქმეებზე. ყოჩაღთ მიაღწიეთ რასაც ნატრობდით იმედია ცოტა ხანში ერთმანეთს პირადულადაც მიხედავთ, არ დაინდოთ დაალეწეთ ყველაფერი რაც ხელში მოგხვდებათ, თქვენ ხო ტატამიდან უკვე ინტერნეტ მოჭიდავეებად იქეცით და ტევე ვარსკვლავებად ერთმანეთის პრეტენზიებით. ჩვენ კიდე ვეტერან ძიუდოისტებს სულში გვაფურთხეთ ბოლომდე და ბოლომდე დაგვისამარეთ ჩვენი წარსული.
თემური
0
რა გახდა ეს კრიჭიშვილი. მისი მოსაწონი არავინ და არაფერია. ხომ იჭიდავე და წააგე ღვინიაშვილთან. რამდენჯერ უნდა იჭიდაო, სანამ არ მოიგებ?! ან რა შენი ასარჩევია, რომელ ტურნირზე წახვალ. გამომივიდა ესეც მესი:)
მსგავსი ამბები
რუბრიკის სხვა სიახლეები
;