ძიუდო. ტატო გრიგალაშვილი ნახევარფინალშია!

ბაქოში მიმდინარე ძიუდოისტთან "გრან სლემზე" 81 კგ წონით კატეგორიაში ბრწყინვალედ გამოდის ახალგაზრდა ტატო გრიგალაშვილი, რომელიც ნახევარფინალშია და ბულგარელ ივაილო ივანოვთან მოუწევს შებმა. არადა, წილისყრით მას თითქოს არ გაუმართლა. პირველი წრის გავლის შემდეგ მას მსოფლიო რეიტინგის ჰოლანდიელ ლიდერ ფრანკ დე ვიტთან უწევდა შებმა...

მაგრამ ტატომ სტარტზე რუმინელი ვლად ვისანიც დაამარცხა, დე ვიტიც ზედ მიაყოლა და კიდევ ორი მეტოქე - აზერბაიჯანელი მურად ფატიევი და ბოლოს შვედი რობინ პაჩეკიც.

ამავე წონით კატეგორიაში ევროპის ორგზის ფინალისტი ნუგზარ ტატალაშვილი ჯგუფში ჩვენს ძველ ნაცნობებთან, თუმცა კი უკვე ვეტერანებთან მოხვდა. მან პირველი ბრძოლაში სერბი მსოფლიოს ფინალისტი სრდან მრვალჯევიჩს დაამარცხა, შემდეგ ხორვატთა ევროპის მედალოსან დომენიკ დრუზეტას სძლია და ამ ჯგუფში ყველაზე ძლიერთან, ისრაელის წარმომადგენელ საგი მუკისთან დამარცხდა.

* * *

73 კგ-ში ბრძოლას ნაადრევად გამოეთიშა ლაშა შავდათუაშვილის უმცროსი ძმა ბექა შავდათუაშვილი, ვისაც თავიდანვე არ გაუმართლა, რადგან ჯგუფში აზერბაიჯანელთა ევროპის ჩემპიონ ჰიდაიეტ ჰეიდაროვსა და რუს დენის იარცევთან ერთად მოხვდა.

მანამდე კი ბექას პირველი მეტოქე ბერძენი გეორგიოს აზოიდისისა და პუერტორიკოელი ჯეფრი რუისის პაექრობაში უნდა გარკვეულიყო. საბოლოოდ, მას ბერძენთან მოუწია დაპირისპირებამ.

სამწუხაროდ, შავდათუაშვილი დამარცხდა და ამით ბაქოს "გრან სლემი" მისთვის დასრულებულია.

819
მკითხველის კომენტარები / 0 /
მსგავსი ამბები
რუბრიკის სხვა სიახლეები
;