ძიუდო. ღვინიაშვილი და ზაალიშვილი ბრინჯაოსთვის იბრძოლებენ

ბუდაპეშტში მიმდინარე ძიუდოისტთან გრან-პრიზე კვირას მძიმეწონოსანთა ბრძოლები მიმდინარეობს. 90 კგ-ში ბექა ღვიანიაშვილი თავისი ჯგუფის ფინალში დამარცხდა კუბელ ივან ფელიპე სილვა მორალესთან და გადავიდა დამამშვიდებელ (რეპეშაჟი) წრეში, სადაც ტაჯიკი კომრონსოხ უსტოპირიონი დაამარცხა და ბრინჯაოს მედლისთვის ყაზახ ისლამ ბოზბაევს დაეჭიდება.

ამავე წონაში ავთანდილ ჭრიკიშვილი მესამე წრეში დამარცხდა ესპანეთის სახელით მოასპარეზე ქართველ ნიკოლოზ შერაზადიშვილთან და ბრძოლას გამოეთიშა, შერაზადიშვილი კი ფინალში გავიდა და იაპონელ შოიჩირო მუკაისთან დაპირისპირებაში ოქროს მოგების შანსი აქვს.

100 კგ წონით კატეგორიაში მეორე წრეში მოეცარა ხელი გიორგი ბერიაშვილს, რომელიც ესტონელ გრიგორი მინასკინთან დამარცხდა. ეს უკანასკნელი შემდეგ ფინალში გავიდა და ოქროსთვის იბრძოლებს.

+100 კგ-ში თავისი ჯგუფი დამაჯერებლად მოიგო გელა ზაალიშვილმა და გავიდა ნახევარფინალში, სადაც ბრძოლის დაწყებიდან მალევე იპონით წააგო იაპონელ კაკორო კაგეურასთან და გავიდვა დამამშვიდებელში წრეში. ზაალიშვილი ახლა ბრინჯაოსთვის იბრძოლებს და მისი მეტოქე იქნება უზბეკი ბეკმურად ოლტიბოევი.

სხვათა შორის, სწორედ ამ ოლტიბოევთან მეორე წრეში დამარცხდა ამავე წონაში მოასპარეზე ონისე ბუღაძე და გრან-პრის მიღმა დარჩა. 

ამრიგად, ფინალურ ბლოკში, რომელიც 18 საათიდან დაიწყება, ორი ქართველისგან - ბექა ღვინიაშვილისა და გელა ზაალიშვილისგან ბრინჯაოს მედლებს ველოდებით.

1045
მკითხველის კომენტარები / 0 /
მსგავსი ამბები
რუბრიკის სხვა სიახლეები
;