ძიუდო. ღვინიაშვილი, ზაალიშვილი და მატიაშვილი ოქროსკენ მიიწევენ

ზაგრების გრანპრიზე ძიუდოში ქართველი სპორტსმენი ვაჟები 90 და +100 კგ წონით კატეგორიაში წარმატებით მიიწევენ მედლებისკენ. გოგონებიდან დღეს მხოლოდ ერთი ძიუდოისტი გამოდიოდა და სამწუხაროდ დამარცხდა.

ვაჟთაგან ტატამზე 90, 100 და +100 კგ წონითი კატეგორიის ძიუდოისტები გამოვიდნენ.

ჩვენს სპორტსმენებიდან 90 კგ–ში გიორგი პაპუნაშვილი და ბექა ღვინიაშვილი ასპარეზობენ. პირველმა მათგანმა ორი ეტაპი გაიარა წარმატებით და ორივეჯერ იპონით ჩამოიცილა მეტოქე – შესაბამისად, იაჰორ ვარაპაიუ (ბელარუსი) და მილან რანდლი (სლოვაკეთი) ღვინიაშვილმა ჯერ მხოლოდ ერთი პაექრობა ჩაატარა და ეფექტური გდებით ადვილად გააკრა ტატამს სლოვაკი ლასკოვიჩი.

100 კგ–ში სამწუხაროდ ორივე ქართველი სპორტსმენი პირველი ეტაპის წარმატებით გადალახვის შემდეგ დამარცხდა. ონისე სანებლიძემ ივან რემარენკოს (აგს) ძლევის შემდეგ ბენჟამინ ფლეტჩერთან (ირლანდია) წააგო. ლაშა ტაველურმა კი ანდან კანკანის (ოგ) მოგების მერე პეტერ პალჩიკთან (ისრაელი) იწვნია მარცხი.

+100 კგ–ში გელა ზაალიშვილმა პირველი წრე გამოტოვა, შემდეგ რუს ანტონ ბრაჩევს მოუგო, ლევან მატიაშვილმა კი ასევე პირველი წრის გამოტოვების შემდეგ აზერბაიჯანის სახელით მოასპარეზე ქართველ ფალავანს უშანგი კოკაურს სძლია ოქროს დროში გაფრთხილებით.

გოგონებიდან დღეს ტატამზე ვიხილეთ სოფიო სომხიშვილი (+78 კგ), მაგრამ სამწუხაროდ მან ლიტველ სანტა პაკენიტეს ვერ აჯობა.

მომდევნო ეტაპზე გასულებიდან პაპუნაშვილი შეხვდება მამადალი მეჰდიევს (აზერბაიჯანი), ღვინიაშვილი შაჰზოდბეკ საბიროვს (უზბეკეთი)
ზაალიშვილი – ოს სასონს (ისრაელი) დაუპირისპირდება, ხოლო მატიაშვილი ტემურ რახიმოვს (ტაჯიკეთი)

1000
მკითხველის კომენტარები / 0 /
მსგავსი ამბები
რუბრიკის სხვა სიახლეები
;