[ძიუდო] შემადგენლობები თელ ავივის "დიდი პრიზისთვის"...

ხვალ თელ ავივში ძიუდოისტები ახალ სეზონს იწყებენ - იმართება „დიდი პრიზის“ პირველი ტურნირი, რომელშიც საქართველოდან ცხრა სპორტსმენი მიიღებს მონაწილეობას - ხუთი ქალი და ოთხი - ვაჟი. უძლიერესი შემადგენლობით სწორედ ქალთა ნაკრებით ვიქნებით წარმოდგენილნი, რადგან მათ სალიცენზიო ქულებიც აქვთ საზრუნავი, ვაჟებში კი 23-წლამდელთა ნაკრების წევრები გამოვლენ. მათთვის ეს სასტარტო შეჯიბრება იქნება და ძალიანაც წაადგებათ თანატოლთა ტურნირებისთვის მოსამზადებლად.

ბოლო მომენტში სწორედ ვაჟთა გუნდის შემადგენლობა შეიცვალა, თორემ ქალებში გია თენაძემ ისე ის ხუთეული წაიყვანა, რომელიც ადრევე დაასახელა: მარიამ ჯანაშვილი, ტატიანა ლევიცკა-შუკვანი (ორივე - 52), ეთერ ლიპარტელიანი (57), მარიამ ჭანტურია (70) და სოფიო სომხიშვილი (+78). პრინციპში, თენაძეს მეტი არჩევანი არცა აქვს, რადგან ნაკრების წევრობის სხვა კანდიდატები ასაკით პატარები არიან და უფროსებთან საასპარეზოდ ჯერ მზად არ არიან.

ვაჟებში ჩვენგან ევროპული თამაშებისა და მსოფლიოს ბრინჯაოს მედალოსანი ლუკა მაისურაძე (81), იმედა გოგოლაძე (90), ახალგაზრდებში ევროპის ჩემპიონი ილია სულამანიძე (100) და ასევე 20-წლამდელებში ევროპისა და მსოფლიოს კიდევ ერთი გამარჯვებული გელა ზაალიშვილი (+100) გამოვლენ.

23 იანვარი

ქალები: 48-52-57 კგ

ვაჟები: 60-66 კგ

24 იანვარი

ქალები: 63-70 კგ

ვაჟები: 73-81 კგ

25 იანვარი

ქალები: 78-+78 კგ

ვაჟები: 90-100-+100 კგ

ირაკლი თავაძე

1621
მკითხველის კომენტარები / 0 /
მსგავსი ამბები
რუბრიკის სხვა სიახლეები
;