ძიუდო. ჭაბუკების შემადგენლობა ცნობილია

28 ივნისიდან 1 ივლისის ჩათვლით ბოსნიის დედაქალაქი სარაევო ევროპის პირად-გუნდურ ჩემპიონატს უმასპინძლებს ჭაბუკ ძიუდოისტთა შორის. ჩვენი გუნდები ამ საღამოს გაფრინდებიან სარაევოში.

ბიჭების ნაკრებში მთავარმა მწვრთნელმა გიორგი ყიზილაშვილმა მონაწილეთა კვოტა სრულად გამოიყენა, თუმცა მაინც არასრული გუნდით მიდის - უმჩატეს 50 კილოგრამში მონაწილე საერთოდ არ გვეყოლება. სამაგიეროდ, ამის ხარჯზე სამი წონა გააორა, დამატებით კი გუნდურისთვის კიდევ ორი ფალავანი მიჰყავს.

გოგოების გუნდი ბოსნიაში არასრული შემადგენლობით იჭიდავებს. მთავარმა მწვრთნელმა გია თენაძემ აქცენტი უფრო იმ წონებზე გააკეთა, რომლებიც გუნდურში გოგოებს ეკუთვნით (მოგეხსენებათ, გუნდურში ქვეყნები გოგოებისა და ბიჭების გაერთიანებული გუნდით გამოდიან, სადაც თითოეულ სქესს 4-4 ეკუთვნის) თუმცა არის არაგუნდური კატეგორიებიც და თან მასაც ჰყავს გაორებული წონა - 63 კილოგრამი.

სარაევოში პირად პირველობას სამი დღე ეთმობა - 28-30 ივნისი, გუნდური კი 1 ივლისს გაიმართება.

ჩემპიონატის განრიგი
28 ივნისი
გოგოები: 40, 44, 48 კგ
ბიჭები: 50, 55, 60 კგ

29 ივნისი
გოგოები: 52, 57, 63 კგ
ბიჭები: 66, 73

30 ივნისი
გოგოები: 70, +70 კგ
ბიჭები: 81, 90, +90 კგ

1 ივლისი
გუნდური
საქართველოს ნაკრები
ბიჭები
55 კგ. გურამ გასიტაშვილი (გორი)
60 კგ. ბექა წიფიანი (მარნეული), დავით დვალაშვილი (გორი)
66 კგ. ლუკა კაპანაძე (მარნეული), გიორგი იანტბელიძე (გორი)
73 კგ. ნიკა ზოიძე (ბათუმი)
81 კგ. გიორგი შერაზადიშვილი (თბილისი)
90 კგ. ილია სულამანიძე (ტყიბული), ნიკა ხარაზიშვილი (ქარელი)
+ 90 კგ. საბა ინანეიშვილი (ქუთაისი)

გუნდური
81 კგ. თორნიკე ფოლადაშვილი (თბილისი)
+ 90 კგ. ჭანკვეტაძე (თბილისი)

გოგოები
44 კგ. ლოლიტა გაბუნია (ქუთაისი)
48 კგ. მარიამ ლაფაჩიშვილი (საგარეჯო)
52 კგ. მარიამ მაზანაშვილი (გორი)
63 კგ. ინდირა სილაგაძე (ქუთაისი), თინათინ რევაზიშვილი (საგარეჯო)
+ 70 კგ. სალომე მაყიშვილი (თბილისი)

487
მკითხველის კომენტარები / 0 /
მსგავსი ამბები
რუბრიკის სხვა სიახლეები