ძიუდო. ხვალ ზაგრებში სეზონის გრან პრის მორიგი ტურნირი იწყება

ხვალ ზაგრებში სეზონის გრან პრის მორიგი ტურნირი იწყება, რომელშიც ქართველ სპორტსმენთა ერთი ჯგუფიც მიიღებს მონაწილეობას.

ოღონდ მხოლოდ ვაჟები, ქალები კი ხორვატიაში არ გამოვლენ. გურამ მოდებაძის ხელმძღვანელობით იქ ლაშა ჩადუნელი (60), თორნიკე ნაგლიაშვილი (66), თამაზ კირაკოზაშვილი, კობა მჭედლიშვილი (ორივე - 81), გიორგი პაპუნაშვილი, ავთანდილ ჭრიკიშვილი (90), ლაშა ტაველური (100), გურამ თუშიშვილი და გიორგი ქავთარაძე (ორივე - +100) იჭიდავებენ.

ტურნირი სამდღიანია - 27-29 ივლისს ტარდება და მასში 81 ქვეყნის 573 სპორტსმენი (367 ვაჟი და 206 ქალი) მიიღებს მონაწილეობას.

ეს არცაა გასაკვირი, თუ გავითვალისწინებთ, რომ ის ერთ-ერთი ბოლო სტარტია 20-27 ივლისს ბაქოში გასამართავი მსოფლიოს ჩემპიონატის წინ. იქამდე ძიუდოისტებს კიდევ ერთი მნიშვნელოვანი შეჯიბრება ელოდებათ - ბუდაპეშტის გრან პრი, რომელიც 10-12 აგვისტოს იმართება.

ყოველდღიური სპორტული გაზეთი "ლელო"
961
მკითხველის კომენტარები / 0 /
მსგავსი ამბები
რუბრიკის სხვა სიახლეები