წადი ჩაკვე ოაზისში! [VIDEO]

მოახლოვდა სატრანსფერო ფანჯრის გახსნის დრო - ძალიან "ცხელი" პერიოდი, როცა ძალიან ბევრი ჭორ-მართალი ვრცელდება ფეხბურთელების მომავლის გამო

რა გასაკვირია, რომ ამ ორომტრიალს ვერ ასცდა გიორგი ჩაკვეტაძე და ვერც ასცდებოდა, რადგან ის სამართლიანად ითვლება ევროპის ერთ-ერთ საუკეთესო ახალგაზრდა ფეხბურთელად...

თქმა რად უნდა იმას, რომ მოვა დრო და გიორგი ჩაკვეტაძე აუცილებლად წავა "გენტიდან" უკეთეს კლუბში, მაგრამ საკითხავია ისიც, როდის და რომელ გუნდში გააგრძელებს კარიერას. ფაქტია, სწორად უნდა შეირჩეს წასვლის დროცა და ის კლუბიც, სადაც ჩაკვეტაძე გააგრძელებს კარიერას.

სწორად იმიტომ, რომ ერთიც და მეორე ფაქტორიც ძალიან დიდ მნიშვნელობას იძენს ფეხბურთელის კარიერის სწორად აწყობისთვის, რაც თავისთავად განაპირობებს მოთამაშის წარმატებას.

ქინქლაძისა და ჩაკვეტაძის გოლები - სარკისებური მსგავსება! [VIDEO]

ცხადია, ავტორიტეტული გერმანული საიტი "ტრანსფერმარკტი" (რომლის ინფორმაცია გუშინ გაგაცანით) ჰაერიდან ვერ მოიტანდა ამბავს "დორტმუნდის" ინტერესის შესახებ. ძალიანაც კარგი: ზუსტად ვინ რა იცის, როგორ განვითარდება მოვლენები, მაგრამ თუ რომელიმე გუნდი მოუხდება ჩაკვეტაძის სათამაშო სტილს, ერთ-ერთი მათ შორის "დორტმუნდიცაა".

მერე: გერმანული გრანდის საამსეზონო საქმეები ისე მიდის, რომ მომავალ საფეხბურთო წელსაც ლუსიენ ფავრი იქნება გუნდის სათავეში - ძალიან მაგარი, შეტევაზე შეშლილი მწვრთნელი, რომელიც არასოდეს უშლის ფეხბურთელს იმპროვიზაციას, ასწავლის შეტევაში უფრო მრავალფეროვან თამაშს და უღვივებს შემოქმედებით ნიჭს, რომელიც ჩვენებურს ისედაც არ აკლია.

მოკლედ, ძალიან საინტერესო ამბების მოლოდინში უნდა ვიყოთ. ასე მგონია: "დორტმუნდში" თანდათან ეძებენ მარკო როისის იდეალურ შემცვლელს და მხოლოდ გავიხარებთ, ძალიან გავიხარებთ, თუ ეს შემცვლელი სწორედ ჩაკვეტაძე იქნება.

ახალგაზრდა ფეხბურთელისთვის "დორტმუნდი" ოაზისივითაა. დღევანდელ ევროპულ საფეხბურთო ორომტრიალში ბევრ ახალგაზრდას ეთქმის სოლიდური სიტყვა. მათ შორის, ინგლისელ ჯედონ სანჩოსა და ამერიკელ კრისტიან პულიშიჩს.

"დორტმუნდი" თავად გრანდია, მაგრამ იქედან ერთი ნაბიჯია სუპერგრანდამდე. თუნდაც მიუნხენის "ბაიერნამდე" ან მადრიდის "რეალამდე". ეს ჯერ შორეული პერსპექტივაა, "დორტმუნდი" კი ახლა მართლაც მშვენიერი იქნებოდა. თუ სასწაული არ მოხდა, მომავალ სეზონში ფავრის გუნდი აუცილებლად იქნება ჩემპიონთა ლიგაზე და ესეც კიდევ ერთი პლუსი ბევრ პლუსს შორის.

ინტერვიუ გიორგი ჩაკვეტაძესთან: მთავარია შრომა! უნდა დაისახო მიზანი და ყველაფერი უნდა გააკეთო ამ მიზნის მისაღწევად

ყოველდღიური სპორტული გაზეთი "ლელო"
2174
მკითხველის კომენტარები / 0 /
მსგავსი ამბები
რუბრიკის სხვა სიახლეები