წარმოგიდგენიათ? 1 მილიარდი ევრო დახარჯეს შემადგენლობაზე!..

CIES FOOTBALL OBSERVATORY საკუთარ საიტზე ევროპული კლუბების სატრანსფერო საქმიანობის კვლევის შედეგებს აქვეყნებს. ხსენებულმა ორგანიზაციამ დათვალა და გაარკვია, რომ ამჟამინდელი შემადგენლობის ფორმირებაზე ყველაზე მეტი "მანჩესტერ სიტიმ" დახარჯა და ეს თანხა... 1 მილიარდ ევროს შეადგენს!

პრემიერლიგის ჩემპიონს ბევრით არ ჩამორჩება "პარი სენ-ჟერმენი", რომლის დანახარჯი 913 მილიონი ევროა. მიუხედავად ამისა, ვერც პარიზულმა გრანდმა და ვერც "სიტიმ" ევროპული მასშტაბით ჯერჯერობით ვერაფერს მიაღწიეს.

ხოლო ის "ლივერპული", ვინც გაზაფხულზე ჩემპიონთა ლიგა მოიგო, CIES FOOTBALL OBSERVATORY-ის ჩამონათვალში მხოლოდ მე-7 ადგილზეა. ეს კიდევ ერთხელ არის დასტური იმისა, რომ ფეხბურთელებში გადახდილი ფულის ოდენობა არ არის წარმატებების პირდაპირპროპორციული. 

აი, როგორ გამოიყურება CIES FOOTBALL OBSERVATORY-ის პირველი ათეული, რომელშიც ნახევარი ინგლისური კლუბებია:

1. მანჩესტერ სიტი (ინგლისი) - 1014 მლრდ. ევრო
2. პარი სენ-ჟერმენი (საფრანგეთი) - 913 მლნ. ევრო
3. რეალი (ესპანეთი) - 902 მლნ. ევრო
4. მანჩესტერ იუნაიტედი (ინგლისი) - 751 მლნ. ევრო
5. იუვენტუსი (იტალია) - 719 მლნ. ევრო
6. ბარსელონა (ესპანეთი) - 697 მლნ. ევრო
7. ლივერპული (ინგლისი) - 639 მლნ. ევრო
8. ჩელსი (ინგლისი) - 561 მლნ. ევრო
9. ატლეტიკო (ესპანეთი) - 550 მლნ. ევრო
10. არსენალი (ინგლისი) - 498 მლნ. ევრო

819
მკითხველის კომენტარები / 0 /
მსგავსი ამბები
რუბრიკის სხვა სიახლეები
;