წიტაიშვილი, მახარაძე და მიქაუტაძე დაფასდნენ. ყველაზე ძვირადღირებული მამლუქი ჯიქიაა

გერმანურმა სამენეჯერო სააგენტო "ტრანსფერმარკტმა" კიევის "დინამოს" ქართველი თავდამსხმელის, გიორგი წიტაიშვილის სატრანსფერო ფასი საგრძნობლად გაზარდა და შესაბამის გრაფაში 1,5 მილიონი ევრო ჩაუწერა. ზაფხულში 18 წლის ფეხბურთელის ტრანსფერი პირობითად 900 ათას ევროდ ფასობდა. ახლა გიორგი ყველაზე ძვირადღირებული მამლუქების სიაში მეორე ადგილზე დაწინაურდა.

ასევე გაიზარდა ლუგანსკის "ზორიას" ქართველი მეკარის, ზაურ მახარაძის ფასი - ზაფხულის ეს შეფასება 0,475 ათასი ევრო იყო, ახლა 600 ათასი გახდა. კიდევ ერთი უკრაინელი დაფასდა - ჩერნიგოვის "დესნას" ნახევარმცველის, ლევან არველაძის ტრანსფერი 325 ათასიდან 400 ათასამდე გაიზარდა.

სამენეჯერო სააგენტომ პირველად შეაფასა გიორგი მიქაუტაძე, რომელიც ფრანგული "მეციდან" იჯარით ბელგიის პროქსიმუს ლიგის (რანგით პირველი ლიგა) "სერენში" გადავიდა - მისი ტრანსფერი 200 ათას ევრო ღირს.

გიორგი ჯიქია ყველაზე ძვირადშეფასებული ქართველია იმ ფეხბურთელთა შორის, რომლებიც უცხოეთის მოქალაქეები არიან. მოსკოვის "სპარტაკის" კაპიტნისა და რუსეთის ნაკრების მცველის სატრანსფერო ღირებულებად გერმანული სამენეჯრო სააგენტო "ტრანსფერმარკტი" 9 მილიონ ევროს ასახელებს.

ყველაზე ძვირადღირებული მამლუქები

ფეხბურთელი კლუბი ფასი
გიორგი ჯიქია სპარტაკი 9,000*
გიორგი წიტაიშვილი დინამო კ 1,500
გიორგი მელქაძე სპარტაკი 1,500
აკაკი გოგია უნიონ ბერლ 1,000
კონსტანტინე მარადიშვილი ცსკა მ 1,000
გიორგი შელია ახმატი 0,650
ზაურ მახარაძე ზორია 0,600
ნიკოლოზ გიორგობიანი უფა 0,500
გურამ თეთრაშვილი ტამბოვი 0,450
ლევან არველაძე დესნა 0,400
გოჩა გოგრიჭიანი ცსკა მ 0,300
ნიკა ყიფიანი როტორი 0,300
ლუკას ჰუფნაგელი უნტერჰახინგი 0,250
გიორგი მიქაუტაძე სერენი 0,200
ვლადიმერ კობახიძე ტამბოვი 0,150
ბექა ვაჩიბერაძე ლომელი 0,150
გიგა ჩხეიძე ლუნსდალი 0,500

* - მილიონი ევრო

2622
მკითხველის კომენტარები / 0 /
მსგავსი ამბები
რუბრიკის სხვა სიახლეები
;