წიტაიშვილი და ოლიმპიაკოსი, მოლაპარაკება დაიწყო

კიევის  "დინამოს" ახალგაზრდა შემტევის, გიორგი წიტაიშვილის გადაბირება პირეოსის "ოლიმპიაკოსს" სურს. ამის თაობაზე SPORT TIME იტყობინება. როგორც ცნობილი გახდა, ბერძნული კლუბის სელექციონერები დაესწრნენ გიორგის თამაშს ახალგაზრდულ ჩემპიონთა ლიგაში. ამ შეხვედრაში კიევის "დინამო" "იუვენტუსს" დაუპირისპირდა...

როგორც აღნიშნული მედიასაშუალება იტყობინება, წიტაიშვილმა ძალიან კარგი შთაბეჭდილება დატოვა ბერძნული გუნდის მზირებზე. კლუბებს შორის მოლაპარაკება უკვე დაწყებულია. წიტაიშვილს კიეველებთან კონტრაქტი 2023 წლამდე აკავშირებს.

შეგახსენებთ, რომ ის ახლო წარსულში ცნობილი ქართველი ფეხბურთელის, კობა წიტაიშვილის ვაჟია. გიორგი უკრაინის ასაკობრივ ნაკრებში თამაშობს. როგორც ვიცით, საქართველოს ფეხბურთის ფედერაცია ძალზე მოწადინებულია, რომ წიტაიშვილი საქართველოს ნაკრებში ათამაშოს და ვნახოთ, რა გამოვა ამ საქმიდან.

1026
მკითხველის კომენტარები / 0 /
მსგავსი ამბები
რუბრიკის სხვა სიახლეები
;