წყალბურთი: გიორგი მესხი და ნიკა შუშიაშვილი სერბეთის ვიცე-ჩემპიონები არიან

წლეულს სექტემბრიდან სერბეთის "შაბაცის" ღირსებას იცავენ გიორგი მესხი და ნიკოლოზ შუშიაშვილი. მესხი შარშან ნოვი სადის"ვოივოდინას" შემადგენლობაში სერბეთის ვიცეჩემპიონი გახდა.

ახლა კი შაბაცელებთან ერთად ქვეყნის თასის გათამაშებაში დაიკავა შუშიაშვილთან ერთად მეორე ადგილი. მეოთხედფინალში ქართველების გუნდმა შინ "რადნიჩკის" მოუგო - 10:7, შაბათს ნახევარფინალში "ნიშის" შეხვდა.

ძირითადი დრო დამთავრდა ფრედ - 7:7. დაინიშნა პენალტები. 9 ხუთმეტრიანის შემდეგ ანგარიში თანაბარი იყო - 2:2. ბოლო დარტყმა მესხს ანდეს და მანაც თანაგუნდელები არ დააღალატა - მეკარისგან მარჯვენა მაღალ კუთხეში დიდოსტატური გოლი გაიტანა.

"შაბაცმა" გაიმარჯვა 10:9 და სერბეთის თასის ფინალში გავიდა, სადაც კვირას "ცრვენა ზვეზდას" მძლეველ (11:8) "პარტიზანს" დაუპირისპირდა. დაძაბული გადამწყვეტი პაექრობა ბელგრადელებმა მინიმალური უპირატესობით მოიგეს - 6:5 და მთავარ პრიზს დაეუფლნენ.

5538
მკითხველის კომენტარები / 0 /
მსგავსი ამბები
რუბრიკის სხვა სიახლეები
;